Homeland (荃灣廣場)

Open Now

Now Closed

今日放假約咗朋友去荃灣行街睇戲，睇完戲喺附近搵啲嘢食，朋友帶咗我去荃灣廣場一間西式餐廳食物質素非常好。Homeland 餐廳喺荃灣大壩街荃灣廣場b1樓109號舖，餐廳環境裝修得好有格調色彩繽紛，喺度食嘢感覺好relax。鮮打法式龍蝦湯配蒜蓉包龍蝦湯味道好香濃，龍蝦味鮮甜，蒜蓉包又香又脆配埋餐湯真係一流。煙三文魚凱撒沙律三文魚份量勁多，配芝士粉令三文魚嘅味道好有層次，煙三文魚帶少少鹹香，沙律菜味道清心食完特別開胃。冬陰功珍寶赤蝦闊麵蝦嘅size好巨型，燒到啱啱好。肉質爽口彈牙，味道鮮甜。闊面口感煙煙韌韌撈埋冬陰功醬汁味道好有層次。黑松露牛肝菌芝士薄餅薄餅焗到啱啱好，餅底做到好香脆。黑松露味道獨特配上牛肝菌口感非常豐富，估唔到黑松露薄餅可以咁好食。