譽 鐵板燒

Open Now

Now Closed

難得入大西北郊遊，行完食餐好。環境舒服，師傅熱情，成晚氣氛好輕鬆。🥢「和」二人前套餐 $1680/2🥗沙律 Parma ham捲住青瓜絲，配上各式水果，清新又開胃。🥢前菜鮟鱇魚肝口感軟滑，味道濃厚，一啲腥味都冇。🥢南非鮑魚口感彈牙，鹹香之餘有陣陣昆布香氣。配上鮑魚肝醬鮮味大大提升。🥢北海道帆立貝 帆立貝厚身大粒。表面燒得香，裏面微暖亦保持到彈牙。而且仲食到一縷縷嘅肉質。海膽忌廉汁質地香滑，海膽嘅鮮甜同洋蔥嘅甜味好順口，但唔會濃郁到喧賓奪主。🥢喜知次魚皮煎得香脆，肉質細嫩，充滿魚油香味。鹹香嘅明太子汁加上花椒籽層次豐富。時令嘅龍珠果清甜解膩。🥢大虎蝦虎蝦肉爽彈鮮味，加上蝦膏同牛油變得香氣十足。🥢鵝肝師傅喺鵝肝灑上砂糖，燒完之後有好靚嘅焦糖化效果。鵝肝味道濃郁，幾乎入口即溶。黑醋預先調製，質地稠身而且酸度比平時低。🥢美國封門柳偏瘦唔油膩，肉味濃郁。配上山葵油醋汁味道更豐富。🥢炒飯炒得粒粒分明而且充滿煙肉香味。🥢時令湯奶白色嘅魚湯味道濃厚。🍨甜品焦糖多士口感香脆，淨食或者配雪糕都好味。我哋揀咗芝士、開心果味雪糕。芝士雪糕比想像中濃郁鹹香。而開心果味則有唔少果仁顆粒。