悅滿軒

事緣我係網上見到荔枝角返工附近有間高質法國菜餐廳叫悅滿軒，仲要有兩層高，馬上叫埋同事一齊去🤩。去到餐廳發現裝修設計別具心思😍，有藍白皮椅配瓷磚地，裝修高雅，好有歐陸色彩👍🏻 🤩。頭盤係「香煎日本松葉蟹餅配金蘋果蓉 雞尾酒汁 $168」日本松葉蟹餅香口😍，肉質鮮嫩👍🏻 👍🏻，咬落去蟹既鮮味出哂黎，再配上雞尾酒汁，完全無油膩感👍🏻，再加上微微酸甜嘅金蘋果蓉，超級開胃😋主菜有「法式紙包智利紅䱽魚配海鮮汁$288」，紅䱽魚保持到魚既原汁原味，肉質軟腍，非常新鮮😋配埋海鮮汁，更加帶出魚既鮮味，真係食唔停口呀😋。仲有「香辣蒜片蠔肉白酒意大利粉$288」，大讚佢香辣蒜片又香又惹味，再加上有蕃茄乾既微酸，帶出左蠔肉既鮮甜，意粉仲要爽口彈牙，超級美味！😋總括嚟講店員親切，食物滿分，環境寬敞舒適👍🏻 ，決定下次要再嚟☺️