鄭記士多

Open Now

Now Closed

之前我們去過深井嘅「鄭記士多」買過涼果食，話下次再嚟嗰陣一定要試吓老闆嘅招牌奶茶！今日入到嚟終於有機會可以一試！喺沖茶嗰陣老闆相當詳細咁同我們講解，原來沖茶都可以有咁多學問，令我們對茶更加了解同認識，仲可以學到好多嘢！因為老闆用超高溫嘅熱水，將所有茶具煮過，煮茶嘅鐵鍋都經過煮熱之後，先加入紅茶再經過慢火烘焙，令到茶嘅香味，芳香撲鼻，老闆再加入花奶後，就直接倒入較早前預備好熱辣辣嘅茶具入面，之後攞畀我們飲，飲第一啖已經感受到老闆同我們講解嘅嗰種齒頰留香，由於本人當時一直顧著影相，雖然凍咗少少，但味道依然都係咁芳香濃郁！試過紅茶之後，老闆再同我們推介用中國龍井茶嚟沖，一飲就覺得點解用中國龍井茶嚟做奶茶都可以咁夾，一樣都係齒頰留香，就算隔咗一兩個鐘後，口腔入面仍然有奶茶嘅香味！所以呢碗招牌奶茶就算要賣百幾蚊一碗，都係物超所值，有專人喺你眼前親自煮畀你飲，真係至高享受，真係值得一試！