鄭記士多

Open Now

Now Closed

一向都唔好咖啡同茶，因為會瞓得唔好。有朋友從汕頭來香港，帶他們到深井食燒鵝，老公好耐之前已經講過呢度嘅咖啡超好飲，於是順路帶他們來試試。我一入到去就話我淨係試一啖半啖，所以唔使預我。老闆就立刻用科學去解釋點解會瞓得唔好，然後豪言話飲咗佢嘅咖啡瞓唔着，你都會覺值得！老闆好好，用兩杯咖啡同兩杯茶嘅份量，分咗五碗茶同五碗咖啡，等大家都可以試！一邊沖茶/咖啡老闆一邊講咗好多歷史同知識，放心～一啲都唔悶，老闆好有趣。飲第一啖咖啡，我真心唔覺得有特別，但下一秒，老闆講嘅味道入咗喉嚨又走返出口腔嗰啲感覺真係應晒！杯咖啡冇落糖，但係一啲都唔覺得苦，又唔覺得澀，又唔覺得酸！有啲滾動眼濕濕：真係突然有杯咖啡會令自己對咖啡改觀？！完全始料不及！完全認同老闆講嘅：飲咗佢杯咖啡，瞓唔着都抵！我同老公講呢杯咖啡咁貴係絕對值得嘅！真心highly recommend 大家自己試試，我都想知本身鍾意飲咖啡嘅人有咩感覺？仲有杯茶，老闆即興玩味覺，加檸檬之後又再加胡椒粉，味道又出奇地夾😂返到嚟上OpenRice睇，原來老闆沖奶茶都係拿手嘅，已經決定下次去要一碗奶茶一碗咖啡🥰最後小tips，大家唔好當係茶餐廳，匆匆來匆匆去

裕記晚飯後，食過裕記啲茶芥花生唔錯.見係隔離間鄭記士多見到啲淮鹽花生🥜賣相幾好，就問店主阿伯呢啲係咪就係裕記個隻花生.佢答係，於是買咗一包$50蚊返屋企試.開封後試咗一粒入口，完全唔係個樣嘢.好大陣油亦味又淋身，淨得少少咸味.勁難食.分明係擺咗好耐.仲要擺出嚟呃食客.成包掉咗.$50蚊當請阿伯飲茶👎除咗花生，仲有話梅、咸檸檬…零食賣.大家諗下要唔要試就自己諗

今日終於去左試奶茶。 懷住好大寄望，滿足而回。老闆每沖一款飲品都詳細介紹說明一番。 了解左過中做法更可用心品嚐。奶茶又滑又厚，入口茶味香濃。老闆一再强調要留下半碗涼至室溫，茶香更好。果然味道更上一層樓。鐵觀音latta, 飲一啖花香在囗中爆發出嚟，唔係講笑，我真係用手撼住個咀。回甘一段時間，再飲奶茶，花香頓然消失，只有奶茶味道，再飲latte, 花香又在口中爆發。呢個玩法叫轉台。唔到你唔服。品茶之餘又學到野。不枉此行。

放假日冇咩特別野做，就周圍搵吓有咩嘢好食..搵搵下又搵到呢間鄭記士多，睇過食評佢係出名飲咖啡奶茶，但係價錢就一啲都唔親民。同男朋友過去，叫咗一杯奶茶同埋一杯咖啡，老闆好有心機咁沖咖啡， 一路沖一路講解！睇住成個過程，又使煲到煮咖啡，完全感受到佢對咖啡嘅執着！老闆見我哋兩個人好細心咁幫我地每樣分左兩碗，俾我哋兩樣都可以試晒！佢嘅咖啡同奶茶都唔落糖，仲會叫我地分段飲感受下唔同嘅溫度有咩唔同嘅口感！係佢嘅指導之下好似真係有啲分別🤔🤔同場加映，老闆自家製嘅龍蝦湯雪糕😍仲要用烘咗嘅牛角包一齊食！龍蝦湯雪糕真係好好味， 每一啖都好似飲緊凍嘅龍蝦湯咁樣，加埋暖暖地的牛角包，勁夾！但係留意番，呢個係唔公開發售，食唔食到就睇老闆心情啦！同個老闆傾吓計飲下咖啡食下包，咁就過左兩三個鐘啦😰

上個月walk in，好彩老闆有時間招呼！今次做足準備，訂位！今次一行三人去學嘢！😍試鐵觀音Green tea latte，奶茶同埋咖啡！驚喜之作，講得興起，老闆賣大包，送中國茶，蜜蘭鳳凰單叢！首先蜜糖味，然後花香味，最後回甘。。。三樣次序可隨佢技術點調都得！ 無論奶茶，咖啡，中國茶，Green tea latte，飲完一樣即刻飲第二樣，味道即刻係第二樣，嗰個感覺真係好得意。。。！打泡嘅茶筅，係我國前人發明💪最佩服嘅係，老闆完美地控制住單寧！味道係越飲越正！剛沖好時同攤半小時、一小時、1.5小時之後。。。味道唔同晒，層次完全調轉晒！越來越好味！攤凍後完全冇苦澀味！去邊度揾？！又一次味覺大考驗！真係神乎其技！🙇🏻五體投地！！😍最後，感謝老闆非常偉大，將咁多年嚟，不斷鑽研嘅技術、技巧分享比我哋，為嘅，係唔想失傳！用佢畢生絶技去幫助弱勢社群，重燃香港人守望相助嘅精神！聽君一席話，勝讀十年書！感謝

口齒伶俐娛賓客，若隱若現展手法，懸壺教化示茶經，河南河北來見識。<<鄭記士多>>有着幾十年歷史，當老闆得到沖泡港式奶茶獎狀後，更為人知曉。十幾年間，老闆以獨特見解，掌握中國古典文學裏對泡茶的方法，放在當世的“奶茶”及“鮮奶咖啡”中。有着「大衛與歌利亞」的影子啊！❛水仙❜是平常茶樓酒家使用的中國茶葉，但老闆就用上較為名貴的❛單叢水仙❜ 壓碎磨成粉末來泡茶。與我日常所見分别甚大，香味一泡便散，濃度由泡茶者掌握。❛鐵觀音綠茶鮮奶咖啡❜有着日式綠茶飲品之影子，淡淡中國茶香，淺淺茶味。而老闆用熟練手法在疏薄的茶泡上，寫出英文字母，也是可觀之表演。<鄭記士多>的❛港式奶茶❜係老闆成名之作，香滑味淺，色澤與各茶記區别甚大。 溫馨提示 ： 1 )細心聽從老闆講解，嘗試喝到老闆口中的獨特茶味。 2 )留心老闆所說之古籍，可與今時所知作出比較，也是樂在其中。 3 )小心參觀店裏擺設，也能發現有學習價值的資料。 4 )留意胃部是否可接受大量鮮奶呀！

之前我們去過深井嘅「鄭記士多」買過涼果食，話下次再嚟嗰陣一定要試吓老闆嘅招牌奶茶！今日入到嚟終於有機會可以一試！喺沖茶嗰陣老闆相當詳細咁同我們講解，原來沖茶都可以有咁多學問，令我們對茶更加了解同認識，仲可以學到好多嘢！因為老闆用超高溫嘅熱水，將所有茶具煮過，煮茶嘅鐵鍋都經過煮熱之後，先加入紅茶再經過慢火烘焙，令到茶嘅香味，芳香撲鼻，老闆再加入花奶後，就直接倒入較早前預備好熱辣辣嘅茶具入面，之後攞畀我們飲，飲第一啖已經感受到老闆同我們講解嘅嗰種齒頰留香，由於本人當時一直顧著影相，雖然凍咗少少，但味道依然都係咁芳香濃郁！試過紅茶之後，老闆再同我們推介用中國龍井茶嚟沖，一飲就覺得點解用中國龍井茶嚟做奶茶都可以咁夾，一樣都係齒頰留香，就算隔咗一兩個鐘後，口腔入面仍然有奶茶嘅香味！所以呢碗招牌奶茶就算要賣百幾蚊一碗，都係物超所值，有專人喺你眼前親自煮畀你飲，真係至高享受，真係值得一試！

今晚我們去咗深井食燒鵝，喺排隊等候嘅時候，我們見到隔離有間懷舊賣涼果嘅「鄭記士多」！入到去店內見到好多特色懷舊擺設同玩具！另外見到牆上掛著多幅由老闆親自臨帖嘅書法字畫，筆法好有氣勢！我們買咗青竹梅、冬薑粒等等等等⋯⋯買完之後先發現原來呢度最出名嘅係特色茶藝！我們下次必定會搵機會再入嚟品嘗！青竹梅嘅味道好清甜爽口！冬薑粒唔會太甜，食落無渣！而且份量都幾多！

聽朋友講深井這一間士多個老闆會炮製驚為天人嘅綠茶Latte 於是心郁郁去試一試 去到同鄭生吹左兩句佢就為我哋炮製佢嘅成名之作 我心諗有無咁巴閉呀 個樣未同出便街嘅Green Tea Latte一樣 點知飲咗落去就出事啦 我發誓 我從未飲過世界上咁好飲嘅綠茶 茶濃郁嘅味道不斷咁樣進攻我嘅鼻同喉嚨 茶同奶嘅比例啱啱好 After Taste唔會苦 係靚嘅茶葉先有嘅回甘味 而且茶味一次比一次濃郁 實在太好味 極為推介

以前覺得人地無聊，走好遠去食個糖水，仲打包翻去。電視劇就好多，住中環，去新界食深井燒鵝。終於都有自己無聊嘅一次，早幾日星期一放假，無野做，不如去食深井燒鵝。之後就真系轉地鐵，又轉小巴去咗新界。而今日嘅主題系燒鵝之後嘅甜品--鄭記士多。鄭師傅覺得，最正中嘅茶，應該好似湯甘，拿個大碗來飲。點咗個南山咖啡，真系好香濃，我唔系經常飲咖啡嘅發燒友，其實我都唔知真正好飲嘅咖啡系有幾好飲。但係我覺得NEE杯咖啡真系好濃，好香，而且好絲滑。其實食飽，整翻杯咖啡，覺得好滿足，雖然環境無咖啡廳甘雅緻，但係覺得都系呢度嘅一道風景啊。朋友點咗個桑葚雪糕，加咗桑葚醬，酸酸甜甜，都清新，不錯選擇。民以食為天，原來真系可以為咗食，而走甘遠。

一年总是要来到郑记士多喝茶，能再次品尝到难忘的港式奶茶，加上最爱的铁观音Latte，不用加糖，但是拥有强烈的回甘，香滑，香浓的味道，加上蜂蜜及茉莉花的香，散发难以形容徘徊口中的茶香! 但每次老板都有惊喜，这次就是菊花茅台芝士蛋糕和烟熏柠檬茶！都是郑先生自己特制的食品，有幸尝到真的感谢！🙏🏻

久聞茶王，特地造訪，兩小時帶你遊歷數百年，由宋代飛往斯里蘭卡，展開奇幻的旅程～～～ 「講心情」、「沒餐牌」、「中西日大混戰」，大概就是都市人渴望追求的破格吧，所以這間看起來不像＂有茶飲＂的＂士多＂就能給你無限刺激，在古老的村落，穿越時空，比 iPhone 有趣得多～～～>>> 序幕就是～～老闆不理你......然後故作不經意又親切地詳細口述餐牌，接著當然就是招牌煮茶表演，還歡迎拍照拍 video，老闆滔滔不絕，一面解說茶的歷史，一面使用獨創的器皿和茶具，整個過程他希望人客一同參與，當然也同樣享受著自己的演說，那口茶大概也會與別不同吧！　他將銅鍋反轉，燒熱內壁，才烤烘茶葉，單是此舉已經值回票價。　坊間的師傅都會盡量避免花奶「過熟」凝固成幼粒，從而影響口感，他卻反其道而行，先將花奶煮熱，大概是受到酒店式的鮮奶咖啡所自創的靈感吧！用湯碗盛載，相信也是自創的，而湯碗也預熱了，上枱時，１００度，燙手渴不得，由於接觸空氣面大了很多，溫度很快又急速下降，有種坐過山車的感覺。　　　　除了招牌港式奶茶，還點了中茶，皆因他強調他的中茶與別不同，不是泡，是煮的，真的要會一會。但不

今年難得放假，天氣好好，心情亦大靚！本來去千晶買奶茶架！但賣曬……他知道我有少少失望，就即興陪我去到深井鄭記士多嘆奶茶！先致電老闆今日有冇開門先，老闆歡迎我們二話不說揸車去，不難找，位置處於寧靜小巷中。到達時，有兩位遊客，老闆好健談！客人走後，只是淨低我們♡好舒服，遊閒，不用同其他人share檯，亦冇市區店子的擠擁。環境古色古香，播放着柔和音樂，音響器材好多，老闆甚有生活品味。從佢店子裝潢，可見他好有文化氣息！佢清楚講解咖啡，奶茶品種和來源後，我們各點了一杯奶茶$68 和鐵觀音latte$128(類似green tea latte) 睇下有乜咁正！老闆先做奶茶先，每一個步驟也講述非常清楚，又會講好多關於奶茶沖調技巧，茶葉出產，看他駕輕就熟便弄了一大杯奶茶，而且他很細心，為了令我們可以一次過品嚐奶茶和latte，就幫我們分成兩碗 奶茶完成！老闆叮囑碗熱便開始品味奶茶。好香茶和奶味！自問是奶茶fans，每天一杯太x奶茶，覺得太x已經好正！但呢一杯，親眼睇住老闆親自煮，個份心意，執著已經搭夠！仲要學到少許知識！過左陣，老闆又開始做latte, 見到綠茶粉抹，但老闆又解說……係鐵觀音做出黎既！

大節前夕，想與同事午膳慶祝一番。「西節中吃」蠻有趣的 (同理，開年去鋸扒 )，所以提議到公司「附近」的深井。(坐計程車，才知原來一點不近 ... :upset 四個人，狠狠解決了半隻燒鵝；Holiday Mood已濃，不想馬上回程，而且想起這兒有家知名的「茶記」(意指賣茶的乜記)，於是結帳時向掌櫃問路。她稍為說了些路標，最後還加了句：「睇吓今日賣唔賣俾你哋囉！」 一聽之下，心裡一怔。我們邊走邊找，心情十分忐忑：除了人生路不熟，還琢磨著會遇到怎樣的一位「高人」。走到鄭記，還不敢站在門口，只是在門旁探頭 (就像小孩打破了花瓶，要硬著頭皮告訴媽媽前，在廚房門外探頭的心情)，開口輕聲問 ：「老闆，請 ... 請問 ... 今日賣唔賣奶茶？」「賣呀，請入嚟坐吖！」溫文的回答。 因之前已被「管理期望」，如此接待實在令我意想不到。走進像客廳的店面，除了鑲有「鄭記士多」的車仔 (「是拿出去做示範用的」，鄭老闆說)，還有這麼一景：膽機、打油詩、造型奇特的木桌椅，品茶奇遇就此展開。 「使唔使校細聲啲？」聽著宗教音樂的鄭先生說。雖不打算關掉，他還是很貼心。然後，他講解了幾款茶飲的選項：除了大家也

這裡的咖啡用上了UCC藍山咖啡豆，師傅先以熱鍋把磨好的咖啡粉烘熱，再注入適量熱水，滾起後過濾。另外以茶筅把已置於碗中的鮮奶及忌廉拋打起沫，再把已過濾好的咖啡注入。完成。平常我們喝咖啡，都會想到要趁熱喝。但這裡的咖啡，師傅說先喝兩口就把它放一會兒，過了一段時間再喝。。。的確，過了一段時間再喝，雖然涼了，但有一種不同的香味也跑出來了。所以，在這裡喝咖啡，記得要慢慢喝，不要急。又或是跟師傅談談品飲的文化，欣賞一下他收藏的音樂也好。喝起來。Dep Dep Dep♥以銅煲先把茶葉烘起，這個時候，整個房子都充滿著那種茶葉的迷人香氣，然後再注入適量熱水加煮。製作奶茶的份量比例十分重要，留有茶的香味亦要有奶的鮮味。在這裡，不管喝的是咖啡還是奶茶，師傅都不建議大家放糖，因為會影響單靈酸，雖然沒放糖，但這碗奶茶仍然沒有常見的澀味，整個口感由頭到尾都十分細滑，而且味道十分平均。喝起來。Dep Dep Dep♥同一款茶，師傅可以做到三種不同的感覺出來，先有果香，再有花香，最後慢慢回甘，各個感覺一層一層地呈現出來；又或是先來個回甘，再散發淡淡花香，最後讓你細嚐到清甜的果香；除了以上兩種，還可以來一款激情點的，讓