文記車仔麵 (福榮街)

Open Now

Now Closed

一直都聽講文記車仔麵好出名，好好食。今日咁岩經過深水埗，就決定黎試下。餐牌有好多選項，好多樣我都想食，最後我叫了芝士丸同豬紅幼麵，腩汁湯底，再加少少秘制辣醬，味道好正！食完好想叫多碗！不過野飲就一般喇，叫左凍奶茶，唔太好飲，建議都係係到食野為主，想飲野可能叫可樂汽水個d會比較好！見到隔離叫左雞翼作小食，貌相相當唔錯，下次可以一試！不過呢到真係太出名喇，晚飯時間黎都要等一陣位先入得，而且位置都比較窄，坐得唔係咁舒服，仲越食越熱，所以好快食完就離開了。