Video
Read full review
2018-07-21
2076 views
今日夜晚去書展前就嚟左食呢間餐廳。佢係一條好靜好靜嘅街中間，完全唔會覺得條街會有一間韓國餐廳。我同朋友分別叫左一個大醬湯同一個烤雞肉。可以係啲圖到見到好多伴碟，真係好似去左韓國咁。之前去個啲所謂嘅韓式餐廳，啲伴菜去一次少一次，有啲直頭唔俾㗎。但呢間嘢就好大方，俾好多碟，正！伴菜之中最中意嘅係呢間蓮藕！佢係甜㗎！好似啲蜜餞薯仔番薯咁！好好味！主菜呢烤雞肉：正常以為有一碗飯、湯同放雞肉嘅鐵板之外就完㗎啦嘛，點知！有生菜同個個包飯醬(쌈장)。即刻覺得抵左，多咁多嘢大醬湯：我一向都好中意，所以好難主觀咁講有幾好味，但我都係要講真係超！級！好！味！講真我唔識形容，總知大醬湯就係大醬湯嘅味！好味！咁到底係咩令到我要寫一篇食評呢？就係大醬湯入面啲料！有好多好多料，最驚喜嘅就係有！牛！肉！食過好多好多間韓國餐廳嘅大醬湯，有好味唔好味，但就係未見過有咁足料嘅大醬湯！佢啲牛肉仲要好嫩滑㗎！簡直好味到想喊。（好似有啲over）Anway la 中意大醬湯嘅朋友一定要嚟食！同埋其實睇左好多食評話佢地服務差。好彩我冇遇到有呢啲事。不過佢地好似真心中意趕人走因爲我地未叫埋單就已經遞張單過嚟。正常放低張單就會走開一
佢係一條好靜好靜嘅街中間，完全唔會覺得條街會有一間韓國餐廳。
我同朋友分別叫左一個大醬湯同一個烤雞肉。
353 views
0 likes
0 comments
245 views
0 likes
0 comments
106 views
0 likes
0 comments
伴菜之中最中意嘅係呢間蓮藕！佢係甜㗎！好似啲蜜餞薯仔番薯咁！好好味！
主菜呢
烤雞肉：正常以為有一碗飯、湯同放雞肉嘅鐵板之外就完㗎啦嘛，點知！有生菜同個個包飯醬(쌈장)。即刻覺得抵左，多咁多嘢
大醬湯：我一向都好中意，所以好難主觀咁講有幾好味，但我都係要講真係超！級！好！味！講真我唔識形容，總知大醬湯就係大醬湯嘅味！好味！
大醬湯
$100
165 views
0 likes
0 comments
咁到底係咩令到我要寫一篇食評呢？
就係大醬湯入面啲料！
有好多好多料，最驚喜嘅就係有！牛！肉！
食過好多好多間韓國餐廳嘅大醬湯，有好味唔好味，但就係未見過有咁足料嘅大醬湯！佢啲牛肉仲要好嫩滑㗎！簡直好味到想喊。（好似有啲over）
Anway la 中意大醬湯嘅朋友一定要嚟食！
同埋其實睇左好多食評話佢地服務差。好彩我冇遇到有呢啲事。不過佢地好似真心中意趕人走因爲我地未叫埋單就已經遞張單過嚟。正常放低張單就會走開一陣，等你慢慢拎錢出嚟㗎嘛，但佢冇，仲要企住係到等你拎錢出嚟。不過都冇咩嘅，整體服務冇hard feeling~仲不時會過嚟添茶添～
Post
