Video
Read full review
2021-06-11
1629 views
尖沙咀山林道嘅鐵板先生，好好味嘅鐵板燒，真係唔可以唔推介。山林道出名多嘢食，但係呢間小店好似唔係好出名，如果唔係朋友極力推介，真係行過路過都唔會留意到，而且出面搭緊棚，更加唔起眼。因為聽講間舖唔大，所以提前打咗去留位，嗰晚坐正師傅前面，一路睇佢燒一路食，好過癮。因為得一個師傅，所以要慢慢食，急嘅人唔建議去。menu都係二人餐，不過人數可加可減，我哋三個人，都揀咗神户和牛餐，1288係兩個人嘅價錢。一開始係沙律，蟹子生牛肉沙律，好味，湯都好好味，唔似平時飲開嗰啲麵豉湯，刺身正正常常。我覺得重頭戲之一係勁大隻蝦，黃金一尺巨蝦，我又真係冇見過香港有咁大隻蝦賣，連蝦頭都好多膏同肉，師傅會好有心機燒好耐俾埋我哋食。d肉勁彈牙，我覺得唔輸俾龍蝦，當然呢度嘅龍蝦餐未試過，冇對比。之後係生蠔，都一樣燒得好好味，上面有蒽又有啲乾魚仔，真係好香好好味。魚其實係好普通嘅龍俐魚，我平時都麻麻地呢種魚，但係真係估唔到燒出嚟係咁好味，面係脆嘅。另一大重頭戲，當然係神戶和牛，呢個真係好正，雖然要咗7成熟，但係都入口即化，真係好香，燒嘅時候師傅會係入面包啲蒽同其他配料，所以就算唔用醬汁，都好夠味，一大啖落去，真係冇得
山林道出名多嘢食，但係呢間小店好似唔係好出名，如果唔係朋友極力推介，真係行過路過都唔會留意到，而且出面搭緊棚，更加唔起眼。
因為聽講間舖唔大，所以提前打咗去留位，嗰晚坐正師傅前面，一路睇佢燒一路食，好過癮。因為得一個師傅，所以要慢慢食，急嘅人唔建議去。
menu都係二人餐，不過人數可加可減，我哋三個人，都揀咗神户和牛餐，1288係兩個人嘅價錢。一開始係沙律，蟹子生牛肉沙律，好味，湯都好好味，唔似平時飲開嗰啲麵豉湯，刺身正正常常。
我覺得重頭戲之一係勁大隻蝦，黃金一尺巨蝦，我又真係冇見過香港有咁大隻蝦賣，連蝦頭都好多膏同肉，師傅會好有心機燒好耐俾埋我哋食。d肉勁彈牙，我覺得唔輸俾龍蝦，當然呢度嘅龍蝦餐未試過，冇對比。
之後係生蠔，都一樣燒得好好味，上面有蒽又有啲乾魚仔，真係好香好好味。魚其實係好普通嘅龍俐魚，我平時都麻麻地呢種魚，但係真係估唔到燒出嚟係咁好味，面係脆嘅。
另一大重頭戲，當然係神戶和牛，呢個真係好正，雖然要咗7成熟，但係都入口即化，真係好香，燒嘅時候師傅會係入面包啲蒽同其他配料，所以就算唔用醬汁，都好夠味，一大啖落去，真係冇得頂。
之後就係炒飯同菜，其實已經好飽，不過個炒飯我竟然都食哂咗，一d都唔油，好香好好味。
餐廳原來開咗幾耐下，不過又真係冇乜人知，希望可以一直開落去，我仲想試埋d平啲嘅套餐🤣
Post
