Video
Read full review
2021-06-20
372 views
我對觀塘嘅印象就係有好多工廈cafe, 每次約朋友去呢頭都係食西餐為主。今次朋友帶我去嘅呢間鐵板燒餐廳就刷新左我對呢區美食嘅印象😍餐廳行高級路線，座位都係圍住師傅嘅bar枱，可以親眼望住師傅料理每一道菜式。餐廳嘅通風系統做得非常好，雖然係食鐵板燒，但身上完全唔會沾到油煙味，值得一讚👍今次同朋友就去試左個lunch set二人前套餐 我地就揀左美國牛肉薄燒set（$1080），成個Set包左✨前菜、沙律、時令刺身、銀鱈魚、南非鮑魚、龍蝦、燒肉、炒飯、煮野菜、湯同甜品✨非常豐富，真係胃口細少少都食唔晒；咁多野食都只係$540 / Per person, 性格比超高😍✨前菜 - 明太子食落口感彈牙有咬口，味道幾得意❤️✨沙律 - 海哲糊麻沙律✨時令刺身刺身總共有5款，分別係赤貝 / 鱸魚 / 金目鯛 深海池魚 / 煙燻拖羅。每款有一片，味道黎講唔算話特別出色，但作為前菜咁過下口癮都唔錯。✨銀鱈魚由呢度開始先真係進入戲肉❤️師傅首先將魚皮同魚肉分開，魚皮放係另一邊煎至香脆，而銀鱈魚則煎至金黃色。師傅將個熟度控制得非常好，銀鱈魚入口首先係濃郁嘅魚油香，口感非常嫩滑，可以話係入口即溶，超級好味😍✨波士
餐廳行高級路線，座位都係圍住師傅嘅bar枱，可以親眼望住師傅料理每一道菜式。餐廳嘅通風系統做得非常好，雖然係食鐵板燒，但身上完全唔會沾到油煙味，值得一讚👍
今次同朋友就去試左個lunch set二人前套餐 我地就揀左美國牛肉薄燒set（$1080），成個Set包左✨前菜、沙律、時令刺身、銀鱈魚、南非鮑魚、龍蝦、燒肉、炒飯、煮野菜、湯同甜品✨非常豐富，真係胃口細少少都食唔晒；咁多野食都只係$540 / Per person, 性格比超高😍
✨前菜 - 明太子
食落口感彈牙有咬口，味道幾得意❤️
✨沙律 - 海哲糊麻沙律
✨時令刺身
刺身總共有5款，分別係赤貝 / 鱸魚 / 金目鯛 深海池魚 / 煙燻拖羅。每款有一片，味道黎講唔算話特別出色，但作為前菜咁過下口癮都唔錯。
✨銀鱈魚
由呢度開始先真係進入戲肉❤️師傅首先將魚皮同魚肉分開，魚皮放係另一邊煎至香脆，而銀鱈魚則煎至金黃色。師傅將個熟度控制得非常好，銀鱈魚入口首先係濃郁嘅魚油香，口感非常嫩滑，可以話係入口即溶，超級好味😍
✨波士頓龍蝦
成餐飯我最愛嘅一道菜❤️師傅將龍蝦肉拆出燒至剛剛熟，龍蝦頭入嘅嘅蝦膏亦冇浪費到！金黃色嘅蝦膏淋起鮮嫩嘅龍蝦肉上，成個鮮味得到升華，真係諗起都流晒口水🤤
✨南非鮑魚
睇住師傅由拆殼開始，慢慢幾鮑魚燒熟、上碟，就好似睇緊要場廚藝表演咁，都係一種享受🤣我本身唔係特別好鮑魚，但呢度嘅鮑魚燒得非常彈牙易咬，同時鮮味十足，比我以往食過嘅都好食😋
✨美國牛肉薄燒
對比上面各款海鮮，呢款美國牛肉薄燒就較為遜色，但其實味道已經唔錯。師傅將薄片嘅安格斯牛燒至medium rare, 再將牛肉同香蔥、脆蒜十等卷埋一齊，食落味道層次分明，牛味突出。
✨炒飯
望住師傅炒飯就睇得出佢咁多年黎嘅功力絕對唔係白練——炒飯呈黃色，蛋粹分佈得非常平均，同平時茶餐廳食到嘅炒飯有好大對比；炒飯唔會太油太濕，食落相對乾身，粒粒分明，鍋氣十足。
✨煙燻蝦煮野菜
食完咁多大魚大肉黎食番個煮野菜清一清味蕾😋
✨龍蝦麵豉湯
師傅將龍蝦頭放入麵豉湯入面一齊煲，比起平時飲到咁嘅麵豉湯多左一份鮮味。
✨甜品 - 焦糖烤多士
呢道甜品睇落簡單易整，但又非常好味，旁邊嘅客人仲話番到屋企要試下跟住整🤣師傅首先將面包烤至金黃色，再係鐵板上加大量砂糖煮溶，再將麵包沾滿焦糖漿，一道非常吸引嘅焦糖烤多士就完成❤️食落口感外脆內軟，焦糖香味非常突出😋
整體黎講餐廳嘅每一道菜都做得非常出色，成個set嘅份量亦剛好，可以試晒咁多樣野又唔會太飽。開放式嘅座位讓客人可以睇到師傅嘅「廚藝表演」外，亦方便師傅同客人即時交流，令每道菜都更貼近客人心中嘅水準，整體黎講成個用餐體驗都非常愉快❤️👍
Post
