Video
Read full review
2019-11-12
35 views
早幾日同朋友去旺角行街，係新城紀個邊行完，要行去油麻地方向，想去買board game，所以行左去廣華街個邊，個到都有幾間餐廳，咁耐肚餓，所以就睇下有無啱食的野食食啦，咁啱睇緊menu時，餐廳職員話佢地的意粉好正㗎，加上都見到入面幾多人食，所以就決定試下呢間餐廳啦。雖然佢係茶餐廳，但佢地有幾多唔同的食物食，意粉亦都唔係只有一般肉醬意粉咁簡單，估唔到居然有意大利飯食，個日仲有一個伯伯叫左個意大利飯，見佢食到好吸引咁，都想下次再食下。我個日係星期五，有一個香辣小元貝意粉，所以我地揀左呢個，另外，因為見到舖頭都好多人叫鐵板餐，所以我地都叫返個鐵板西冷食。我就叫左個熱奶茶，而我朋友就話不如試下特飲，所以揀左朱古力雪糕咖啡，原來特飯都係加10蚊，早知我都飲啦，而餐湯就揀左一紅一白，睇下邊個正啲。坐左一陣，就有餐飲了，奶茶都ok，奶同茶的比例比較五十五十，唔會覺得奶味好重，而朱古力雪糕咖啡就幾特別，我覺得有少少似mocha，亦有少少似朱古力咖啡沙冰，所以都幾好飲，加十蚊嚟講算不錯。之後就上了餐湯同餐包，餐包係蒜蓉芝士多士，羅宋湯超級足料，入面真係超多蔬菜同肉，但有可能係餚得耐左，同蒜蓉包一樣重手左
雖然佢係茶餐廳，但佢地有幾多唔同的食物食，意粉亦都唔係只有一般肉醬意粉咁簡單，估唔到居然有意大利飯食，個日仲有一個伯伯叫左個意大利飯，見佢食到好吸引咁，都想下次再食下。
我個日係星期五，有一個香辣小元貝意粉，所以我地揀左呢個，另外，因為見到舖頭都好多人叫鐵板餐，所以我地都叫返個鐵板西冷食。我就叫左個熱奶茶，而我朋友就話不如試下特飲，所以揀左朱古力雪糕咖啡，原來特飯都係加10蚊，早知我都飲啦，而餐湯就揀左一紅一白，睇下邊個正啲。
坐左一陣，就有餐飲了，奶茶都ok，奶同茶的比例比較五十五十，唔會覺得奶味好重，而朱古力雪糕咖啡就幾特別，我覺得有少少似mocha，亦有少少似朱古力咖啡沙冰，所以都幾好飲，加十蚊嚟講算不錯。
之後就上了餐湯同餐包，餐包係蒜蓉芝士多士，羅宋湯超級足料，入面真係超多蔬菜同肉，但有可能係餚得耐左，同蒜蓉包一樣重手左，不過白湯方面就幾清新，好好味，又唔會話太濃烈同好多麵粉的感覺，同一般的忌廉湯有啲唔同，我幾鍾意呢個，而且佢唔會個種好滯好漏的感覺，下次再食會揀白湯。
至於個香辣小元貝意粉，同埋都係超足料，好多小元貝肉，而且佢的意粉真係好正，軟硬適中，唔會話太淋或者太硬，所以好好，佢係天使麵再粗少的粗度，令到每條意粉更易沾滿醬，不過佢的香辣的確幾辣，鍾意辣的朋友這個極力推介，連我呢個食唔到辣的人，都超鍾意食呢個。
鐵板西冷可以揀蒜蓉定黑椒汁，我地揀左蒜蓉汁同薯菜，佢的蒜蓉汁，好好味，好重蒜蓉味，薯菜都加左黑椒，比起平時的鹽，更加出味，至於個西冷都唔錯，肉質都非常鮮嫩。
總括來說，我覺得呢間冰室都幾特別，有好多特色意大利嘢食，連意大利飯都有得食，的確唔錯。
Post
