大蔵季節料理 (Closed)

一向係鄧師傅的粉絲，已經由幾年前開始由太古一直追到依家。今次又有開心事，所以去食餐好嘢！頭盤！係師傅自家做的醬油鴨胸。唔好以為壽司師傅只係企响度切切切咁簡單，其實師傅的熱食先至夠驚喜！食咗開胃頭盤，係時候食刺身！每次都覺得，响度食嘢係一種享受，淨係睇刺身新鮮程度同擺盤都覺得正到暈啦！食個熱食間一間場先！師傅今日做咗天婦羅。最特別就係紫蘇紫包海膽！跟住就到壽司喇！每次都忍唔住要食重手到跌嘅海膽！今次仲食咗牡丹蝦，加埋蝦膏食，鮮甜到呢！仲有就師傅特別做的「壽」壽司！實在太滿足啦！埋單，過千一位，但睇返啲相，食物質素同三個半鐘的表演時間加服務，唔可以同連鎖店水準價錢比較，只可以講，俾得好順，而且好想可以快啲返來再食！在此都祝師傅生意興隆，希望好嘢多啲人認識！