Video
Read full review
2021-05-22
165 views
舊有印象都會覺得立食嘅質素麻麻地，自從食咗呢間餐廳後改觀了，更會有條癮成日想返去食返幾舊壽司止癮。除咗立食呢個因素外，佢整體質素其實可媲美某些omakase店。一來佢用上赤醋飯，壽司飯又粒粒分明唔會黏，加上食材都水準以上，無論係魚類、魚籽抑或是海膽等。每次嚟到必點三文魚籽軍艦，三文魚籽量每次都極多，滿溢出來的份量，好澎湃。魚籽粒粒飽滿又鮮甜，之前食過有啲係漬得較咸，但呢間係好甜，絕對會讓你對三文魚籽改觀。而只需$20一件都好抵食，每次都要食起碼兩件滿足一下自己嘅慾望。除咗超推介嘅三文魚籽外，壽司盛合都幾抵食，平時嗌開兩款，一款係炙燒，一款係壽司拼盤（上）。$100唔洗就有5件壽司組合，而其中我最愛就係火炙左口魚邊壽司，魚油好香入口即化。赤蝦都好甘腴，連海膽都有㗎！最後再追加份鰻魚壽司就最完滿，鰻魚都幾大塊，加少許山椒粉調味好加分。鰻魚有燒熱返所以食落魚肉都幾軟嫩，但又不失外面燒過焦焦地嘅口感。平價壽司但卻有超於訂價嘅滿足及享受，真係超推！
除咗立食呢個因素外，佢整體質素其實可媲美某些omakase店。一來佢用上赤醋飯，壽司飯又粒粒分明唔會黏，加上食材都水準以上，無論係魚類、魚籽抑或是海膽等。
每次嚟到必點三文魚籽軍艦，三文魚籽量每次都極多，滿溢出來的份量，好澎湃。魚籽粒粒飽滿又鮮甜，之前食過有啲係漬得較咸，但呢間係好甜，絕對會讓你對三文魚籽改觀。而只需$20一件都好抵食，每次都要食起碼兩件滿足一下自己嘅慾望。除咗超推介嘅三文魚籽外，壽司盛合都幾抵食，平時嗌開兩款，一款係炙燒，一款係壽司拼盤（上）。
$100唔洗就有5件壽司組合，而其中我最愛就係火炙左口魚邊壽司，魚油好香入口即化。赤蝦都好甘腴，連海膽都有㗎！最後再追加份鰻魚壽司就最完滿，鰻魚都幾大塊，加少許山椒粉調味好加分。
鰻魚有燒熱返所以食落魚肉都幾軟嫩，但又不失外面燒過焦焦地嘅口感。平價壽司但卻有超於訂價嘅滿足及享受，真係超推！
Post
