麻辣派對 (金百利廣場) (Closed)

日本百貨公司優惠週，好多人排隊等住入去濕平，附近金百利《麻辣派對》是不二之選。銅盤烤石斑魚(麻辣味)~揀咗bb辣，味道啱啱好，銅盤用爐熱住食，熱辣辣香噴噴，石斑魚好新鮮，啖啖肉，配料相當豐富，包括魔芋片、高纖維芽菜、煙韌蜂巢布包豆腐，仲有爽口萵筍。家常豆腐~汁料調得好好，輕輕炸過嘅豆腐，軟滑可口，掛滿美味醬汁，木耳爽口，仲有秀珍菇。大刀牛肉小麵(bb辣)~採用牛展，大量脆花生，麻辣風味，麵條夠爽口，bb辣度剛剛好。檸檬C & 水果茶~例牌要點嘅特色凍飲，味道清新，最啱解辣。食到尾聲餐廳送上紅豆沙，唔會太甜正合我心意。