Video
Read full review
2022-03-23
460 views
今日同朋友黎到哩間新開既腐乳主題餐廳。餐廳環境行港式風格，內裏以黑白格仔及Tiffany作為主色調，牆身掛上富有意思既海報。而餐廳既菜式非常特別，有不少腐乳結合西餐既fusion菜式。如果想食重口味啲，可以同店員講，佢地會幫手調節。🐟腐乳咸蛋黃炸魚皮 $68炸魚皮超香脆，表面沾上滿滿既鹹蛋黃，味道鹹香，但又唔會油膩，非常好食，送啤酒真係一流😆好食推介👍🏻🥗芒果牛油果沙律 $108哩個真係超級有驚喜❗️如果你鍾意芒果，或者鍾意牛油果，都一定一定會鍾意哩個❗️面層既芒果味道香甜，底層既牛油果蓉加牛油果粒同樣香甜軟熟，忍唔住一啖接一啖係咁食，配有淋上黑醋汁既沙律菜，好食推介👍🏻🐖焗南乳豬手 $288南乳豬手份量十足，而且肥瘦適中，外皮焗得非常香脆，重點係佢個超級正既餐廳獨家調製腐乳醬，豬手蘸上腐乳醬一齊食真係好夾，入口鹹香味濃，好食推介👍🏻🍝椒絲腐乳卡邦尼意粉 $138哩個意粉有別於平時食開既卡邦尼，第一樣唔同既係用腐乳代替芝士，第二樣係用臘腸代替煙肉，但係估唔到出黎既效果出奇地好，醬汁非常creamy，又帶有腐乳既鹹香，切片既臘腸亦非常有咬口，面頭仲有一粒流心蛋黃，撈埋一齊食更好食，好食特別推
而餐廳既菜式非常特別，有不少腐乳結合西餐既fusion菜式。如果想食重口味啲，可以同店員講，佢地會幫手調節。
🐟腐乳咸蛋黃炸魚皮 $68
炸魚皮超香脆，表面沾上滿滿既鹹蛋黃，味道鹹香，但又唔會油膩，非常好食，送啤酒真係一流😆好食推介👍🏻
🥗芒果牛油果沙律 $108
哩個真係超級有驚喜❗️如果你鍾意芒果，或者鍾意牛油果，都一定一定會鍾意哩個❗️面層既芒果味道香甜，底層既牛油果蓉加牛油果粒同樣香甜軟熟，忍唔住一啖接一啖係咁食，配有淋上黑醋汁既沙律菜，好食推介👍🏻
🐖焗南乳豬手 $288
南乳豬手份量十足，而且肥瘦適中，外皮焗得非常香脆，重點係佢個超級正既餐廳獨家調製腐乳醬，豬手蘸上腐乳醬一齊食真係好夾，入口鹹香味濃，好食推介👍🏻
🍝椒絲腐乳卡邦尼意粉 $138
哩個意粉有別於平時食開既卡邦尼，第一樣唔同既係用腐乳代替芝士，第二樣係用臘腸代替煙肉，但係估唔到出黎既效果出奇地好，醬汁非常creamy，又帶有腐乳既鹹香，切片既臘腸亦非常有咬口，面頭仲有一粒流心蛋黃，撈埋一齊食更好食，好食特別推介👍🏻
🍹Lau White $45
Espresso加腐乳製成既飲品真係第一次試，入口味道非常特別，咖啡既酸味突出，腐乳味道亦唔會突兀，融入左咖啡當中。
🍵Ling Nourishing Citron Tea $25
哩款飲品係中醫配方，由雪梨、蘋果乾、柚子等製成，可以止咳潤喉，入口味道好似鹹柑桔咁，但係比鹹柑桔更清新，食完煎炸野飲真係好正，好飲推介👍🏻
整體黎講，餐廳環境有特色，食物特別得黎亦非常有質素，真係每一樣都好好食！絕對係值得一試既餐廳！
Post
