金田家

Open Now

Now Closed

拉麵係我最近好鐘意食的一樣野，鐘意鋪頭會因應唔同客人要求、喜好去製作一碗麵出黎。雖然日式拉麵店往往好細、坐得唔舒服又好快要走，但正因為同其他食客距離近，可以充分感受到其他人的情緒，更加有助融入環境。一坐低，唉呀好失望，冇得任加芽菜，好彩冇得加芝麻！但有其餘兩種配菜。其中一種真係辣到痴左線﹝不是粉紅色果種﹞，店面應該喺樽面表示，方便唔食得辣嘅朋友仔。經典拉麵中有只紫菜、叉燒、麵同木耳絲，我覺得唔夠食所以加左芽菜同溏心蛋，真估唔到隻溏心蛋原來咁正！加$7就有左芽，價錢算係公道，因為都裝滿一大個碗，而且好夠新鮮，放落湯底一陣之後變半生熟，口感剛好。其他拉麵店極其量只有半隻溏心蛋，金田家就$12一隻。稍稍深色、介乎灰同咖啡色的外表，表示佢好入味。食一啖果然冇叫錯，蛋白好甜而且非常軟滑，一啖麵一啖蛋，不得鳥！流心蛋黃同樣係香香甜甜，但該種甜十分天然，唔會蓋過個蛋味。唔知日式拉麵麵質係味都偏硬架呢？我明明叫左「軟麵」但都只不過係香港普通麵的軟度。同行的姊妹們叫左「普通」，但佢地話好硬wo!所以好彩叫左軟麵姐。