Video
Read full review
2023-08-13
25 views
呢間火鍋店之前都聽過，一直都想嚟試，一入到嚟已經俾佢嘅歌吸引住，裏面嘅裝飾有好多用霓虹燈切出嚟嘅quote，全部都好有回憶好有共鳴，超有feel！打邊爐最緊要就係嗰醬，佢哋個醬料位有差唔多20款配料，連檸檬葉同蝦醬都有，你哋真係要試吓檸檬葉，同啲肉好夾嫁原來！叫咗二人餐（$368位），咁就可以唔使揀咁多嘢，兩個人食其實都好夠飽！湯底我就揀咗「香茅清酒煮蜆」，真係好足料，同埋我發覺佢哋用嘅係沙白唔係蜆，更加脹卜卜，佢哋仲有其他好得意嘅湯底下次要試吓先，例如辣酒東風螺同原湯青龍蝦冬陰功湯😋一開頭食咗佢哋嘅熱浪響鈴午餐肉先，炸到脆卜卜，咁樣食真係第一次，好特別！重點就係佢哋嘅牛肉啦，用嘅都係本地新鮮騸牯牛，都係刁鑽嘅部位，4至5秒就食得㗎啦！海鮮都係勁新鮮，特別係蟶子王呀，食落勁爽口！佢哋個面都好得意㗎，叫做水雲面，係用沖繩海藻去做，好有咬口！呢間我已經準備再約朋友去食多次，你哋真係要試吓，一定唔會失望👍🏻👍🏻
打邊爐最緊要就係嗰醬，佢哋個醬料位有差唔多20款配料，連檸檬葉同蝦醬都有，你哋真係要試吓檸檬葉，同啲肉好夾嫁原來！
叫咗二人餐（$368位），咁就可以唔使揀咁多嘢，兩個人食其實都好夠飽！湯底我就揀咗「香茅清酒煮蜆」，真係好足料，同埋我發覺佢哋用嘅係沙白唔係蜆，更加脹卜卜，佢哋仲有其他好得意嘅湯底下次要試吓先，例如辣酒東風螺同原湯青龍蝦冬陰功湯😋
一開頭食咗佢哋嘅熱浪響鈴午餐肉先，炸到脆卜卜，咁樣食真係第一次，好特別！重點就係佢哋嘅牛肉啦，用嘅都係本地新鮮騸牯牛，都係刁鑽嘅部位，4至5秒就食得㗎啦！海鮮都係勁新鮮，特別係蟶子王呀，食落勁爽口！佢哋個面都好得意㗎，叫做水雲面，係用沖繩海藻去做，好有咬口！
呢間我已經準備再約朋友去食多次，你哋真係要試吓，一定唔會失望👍🏻👍🏻
Post
