小王牛肉麵 (Closed)

日日食午餐，食得多都唔知食乜好，今日就試吓去沙田火車站上層搵食。午餐時間，見到好多人喺呢間食肆排隊，就即管入去搵食啦！呢間食肆，主要係食台灣風味菜，所以就搵啲台灣嘅經典食物試吓。食物選擇很多，價格不算便宜 。但凡惠顧飯/麵類，只需要加$8就可享用一杯指定飲品，可選珍珠奶茶、香芒冰茶、玫瑰花蜜或紅棗茶， 比較優惠。河粉湯底冇乜味，但有兩條菜，比較健康。雞扒大大件， 都好鬆脆，不過沾粉太多，非常油膩，食完成個下午都滯住。牛筋麵湯底牛肉味好濃， 麵QQ的，可惜牛筋煮得過火，過份稔， 毫無咬口 ，失敗之作。茶味一般， 無特別之處，珍珠非常少， 幸只加$8， 否則不值得。