Video
Read full review
2022-07-25
461 views
！今次係我同男朋友第一次去試食，聽好多人話值得一試就book左7點兩位。 我地果日仲有兩檯4人，可能我地早到，一入去嘅感覺唔錯，但餐廳非常之逼窄，其他客人到齊之後隔離所有人嘅聲音都非常之大每一句都聽得清清楚楚！！開放式廚房係我鐘意嘅位，可以睇到廚師盡心準備緊野食，係好有feel嘅一件事。不過！到左主食之前，成個環境都係煎野嘅油煙味，體感溫度直接升高開始出汗！！我係室內，但出汗！！ 跟住講返正題，野食。首先每一道餸好似乞衣咁，每人得個細細一舊，我自認係女仔黎講食得多嘅。可能我未食過咁高級嘅野，唔知我食緊分子料理定法國餐廳。湯就得兩口咁多嘅分量，主食我唔食牛就撿左豬。就連主食都係得好少！叉燒咁大嘅size數落得5塊，跟住就直接到甜品。食物質素非常差！每一道餸幾乎都係煎唔係就焗爐焗就算，擺盤係幾靚嘅，但就真係冇乜特別...最後我已經唔好意思話唔飽，畢竟男朋友請我食。不得不讚嘅係服務生，會時刻關注我地啲水杯，不停幫我地倒水。不過後面先知道！原來一支水都要78蚊！真係高級...出面賣緊30蚊4支...個主廚一開始好客氣咁都會問我地啲野好唔好食丫，都幾有笑口。到
我地果日仲有兩檯4人，可能我地早到，一入去嘅感覺唔錯，但餐廳非常之逼窄，其他客人到齊之後隔離所有人嘅聲音都非常之大每一句都聽得清清楚楚！！開放式廚房係我鐘意嘅位，可以睇到廚師盡心準備緊野食，係好有feel嘅一件事。不過！到左主食之前，成個環境都係煎野嘅油煙味，體感溫度直接升高開始出汗！！我係室內，但出汗！！
跟住講返正題，野食。首先每一道餸好似乞衣咁，每人得個細細一舊，我自認係女仔黎講食得多嘅。可能我未食過咁高級嘅野，唔知我食緊分子料理定法國餐廳。湯就得兩口咁多嘅分量，主食我唔食牛就撿左豬。就連主食都係得好少！叉燒咁大嘅size數落得5塊，跟住就直接到甜品。食物質素非常差！每一道餸幾乎都係煎唔係就焗爐焗就算，擺盤係幾靚嘅，但就真係冇乜特別...最後我已經唔好意思話唔飽，畢竟男朋友請我食。不得不讚嘅係服務生，會時刻關注我地啲水杯，不停幫我地倒水。不過後面先知道！原來一支水都要78蚊！真係高級...出面賣緊30蚊4支...個主廚一開始好客氣咁都會問我地啲野好唔好食丫，都幾有笑口。到後面好似變左個人咁，係隔離檯大大聲吹水，又同佢地飲酒，完全再冇理過我地。
食完買單偷望到賬單，兩個人差唔多2千5。我嚇左一跳，7道料理兩個人竟然食左2千蚊！！？水都飲左百幾蚊？係未我太窮了定物價貴左咁多。對唔住，我寧願食千幾蚊位中環嘅omakase好過。下次一定唔會再黎了，真係唔抵食。
Post