Video
Read full review
2024-12-09
512 views
希望大家可以用少少時間睇一下🙇🏻♀️ 因為太嬲所以寫咗好多😂亦都希望對你哋有幫助難得快聖誕+屋企人生日咁就約咗出嚟慶祝啦呢間嘢打廣告又打得咁勁睇落去又真係好多人食咁樣咁咪諗住試下囉🫠點知試下試下嚇你一驚❗️💢直接畀我列入黑名單🚫1)價錢💰咁我哋就兩個人去食飯，5:30入坐一個人$300多少少仲有加一服務費(冇計額外加嘅嘢食)一餐飯咁就$626其實呢個價錢都真係還好，但係我唔覺得佢呢個價錢對得起我食嗰啲嘢😮💨廣告就話二百幾樣嘢可以任食啦，實質上佢有啲嘢都係要額外加錢先可以任食/加錢叫一份(例如: 生蠔、大閘蟹、海膽...)咁就唔好講到全部嘢都任食啦😅你第一次落嘢食佢會畀張紙你叫你寫喺張紙上面先(一張係刺身另外一張係壽喜燒/蒸氣火鍋...)食完之後先再用手機落單。點解要咁樣分開落？就係因為佢將紙上面嘅刺身款式係比手機落嘅款式多🙃又話任食，我發現嘅時候真係笑死2小時任食，甚至乎都未到時間我哋就走咗💢(因為真係太過份完全冇心情食，詳情可以睇第2段)咁嘅價錢就唔該畀返少少質素😅2)上菜時間+數量⏱️第一次用紙手寫落嗰張會好快就上畀你，但係注意❗️之後嗰啲差唔多都要等15-20分鐘(炸物串燒 佢有寫明
難得快聖誕+屋企人生日咁就約咗出嚟慶祝啦
呢間嘢打廣告又打得咁勁睇落去又真係好多人食咁樣咁咪諗住試下囉🫠
點知試下試下嚇你一驚❗️💢
直接畀我列入黑名單🚫
1)價錢💰
咁我哋就兩個人去食飯，5:30入坐
一個人$300多少少仲有加一服務費(冇計額外加嘅嘢食)一餐飯咁就$626
其實呢個價錢都真係還好，但係我唔覺得佢呢個價錢對得起我食嗰啲嘢😮💨
廣告就話二百幾樣嘢可以任食啦，實質上佢有啲嘢都係要額外加錢先可以任食/加錢叫一份(例如: 生蠔、大閘蟹、海膽...)咁就唔好講到全部嘢都任食啦😅
你第一次落嘢食佢會畀張紙你叫你寫喺張紙上面先(一張係刺身另外一張係壽喜燒/蒸氣火鍋...)食完之後先再用手機落單。點解要咁樣分開落？就係因為佢將紙上面嘅刺身款式係比手機落嘅款式多🙃又話任食，我發現嘅時候真係笑死
2小時任食，甚至乎都未到時間我哋就走咗💢(因為真係太過份完全冇心情食，詳情可以睇第2段)
咁嘅價錢就唔該畀返少少質素😅
2)上菜時間+數量⏱️
第一次用紙手寫落嗰張會好快就上畀你，但係注意❗️之後嗰啲差唔多都要等15-20分鐘(炸物串燒 佢有寫明要等耐少少)
咁你有寫明要等幾耐嘅嘢我都可以理解，但係你連刺身都要我等20分鐘係咪就有啲過份😅嗰陣時你又唔係人好多，數埋都唔知有冇六台
手寫紙落單:落咗10片三文魚(咁當然仲有其他但係就唔詳細數)上係上得好快，淨係上咗7片。唔緊要，我知道你會上少咁我手機落單咪落多啲囉
手機落單第一輪:30片三文魚，等咗20分鐘都未有💢問咗店員過多五分鐘就上咗。咩事？唔問你你都唔上？最好笑嘅佢淨係上咗12片三文魚🙃30變12笑死
手機落單第二輪:50片三文魚+其他炸物，炸物佢有寫明要等15-20分鐘，ok咁我咪等囉，冇10分鐘炸物就上咗，又唔係熱所以唔係即炸囉🙃咁做咩寫要等咁耐？
然後就一直食甜品等刺身(本身就係想嚟食刺身所以冇乜點樣叫其他嘢食)然後30分鐘都等唔到一盤刺身？你啲魚係即時喺海入面釣？之後嬲得滯就埋單走人💢
既然連刺身都上得咁慢你哋就應該寫明囉，同埋第一輪如果唔係有吹你哋其實你哋係咪都唔諗住上😅我係黎食飯唔係畀錢轉個地方同屋企人吹水
其實真心講句😅你哋廣告吹到咁大口氣做唔到就唔好吹啦
Post
