我想和你無所事事 (中環街市) (Closed)

話說今日阿姐萬歲，咁大家都好開心咁樣推介呢一間珍珠奶茶舖，之後10幾個同事都揀好咗要乜，之後我哋就喺網上外賣平台度落單，咁之後大約等咗一個鐘到就送到黎，咁大家好開心咁諗住去揀自己個杯嘢嘅時候，點知全部貨不對辦，芒果茉莉要珍珠嘅就冇珍珠，明明都冇叫藍柑草莓酸奶就俾咗三杯，14杯只有幾杯係啱嘅，真係好想知道邊度出問題，嗰張單，清楚列明14杯係要啲乜，完全唔明白點解14杯都可以出錯，請問點樣賠償呢個損失？雖然幾廿蚊一杯嘢飲大家開心輕鬆吓，但係完全成個部門嘅同事見到都飲品都呆咗，又唔知可以去邊度查詢點解會有咁嘅出錯， Deliveroo只係負責送貨，歸根究底，都係貴公司嘅出錯，投訴又唔知去邊度，因為冇電話，亦都冇任何管理人負責，真係超級失望！第一次飲亦都係最後一次飲！