越男仔

Open Now

Now Closed

呢餐其實係誤打誤撞咁就去咗食🌿😂本來我係諗住去食格離既阿木台灣麵🌿😂點知遲咗去太多人排隊所以就轉軑黎呢度不過越男仔本來都係我to-eat-list入面今次就當提早去試下喇🌿🌿～食完都覺得唔錯喔！下次去旺角行街食飯又多一個好選擇了🌿🧡。－🍅胡志明市紅蕃茄四寶湯檬粉＄63:呢個係套餐所以有包熱飲(如果你叫飯類仲送埋湯比你☺🧡)，首先個蕃茄湯底，味好濃好香但有啲偏酸，如果甜味再出多少少應該會更理想🍅🧡! 所謂既四寶，其實就係脆豬肉，豬排，豬頸肉同扎肉，豬排同豬頸肉都好軟冧同夠哂入味，幾正🧡，扎肉加咗黑胡椒入去，咬落好香胡椒味，味道層次豐富咗👍，不過個脆豬肉我就覺得硬咗少少(可能真係同炸有關)。至於啲粉，我覺得不過不失，份量好多但煮耐咗所以口感比較冧，我鐘意爽口啲🙈🧡。另外佢仲有啲生菜同洋蔥，岩哂我呢啲鐘意每餐食幾條草既人👍🧡🌿。－🌟另外個款沙嗲串燒撈檬唔係我食所以比唔到太多comment，但朋友食佢話三種肉(雞牛豬)都比較乾同un，所以就覺得麻麻。🌟如果你鐘意蕃茄湯我都係比較建議你食我叫個款，個湯底濃到可以媲美蕃茄師兄🍅🍅，真係值得試試。