Video
Read full review
2021-06-12
355 views
#蔥仔越南包 💛又到咗大角咀嘅私心推介時間啦😚😚今次介紹嘅就係好出名嘅蔥仔越南包😻😻佢嘅位置就直頭係上次介紹嘅威尼斯餐廳隔離✨而且店舖上面都有個細細地嘅洋蔥標誌🧅所以都好方便搵🙈🙈另外男小編身為mix嘅越南人🤍可以好放心同大家講 依間鋪嘅法式越南包絕對比越南食到嘅更加好味（當然價錢唔同都唔可以直接比較，但真係好好味）👅👅‼️‼️首先講返依間店舖啦😋一入到黎第一眼就見到好多嘅文宣💛💛絕對係區內首屈一指嘅黃店😍😍而座位方面得兩張二人細枱 同埋一張可以坐到三四個人嘅吧枱 所以大部份嘅顧客都係外賣🤩🤩而且因為小店得老闆仲有一位員工負責所以有時可能要等耐少少🤏🏻大家要耐心等待下❤️另外提吓依度淨係收現金而且係自行找續💰而嘢食方面話明係越南蔥仔包🇻🇳所以主打嘅都係法式越南包✨除咗俾你揀4.5吋或者9吋包之外 淨係可以俾你揀加錢轉套餐飲埋湯或者加份蔬菜🙈🙈但唔好以為間店舖食物咁單調一定會好悶 正正就係因為佢選擇少所以做到每一樣出品都好精緻👍🏻👍🏻每一項食物都有自己強烈嘅特色🤟🏻🤟🏻絕對唔會令到你覺得食一兩次就會悶 反而係吸引到男小編由佢試業開始食到而家🤩‼️經典越南法包9寸套餐$58💰（9/10）Class
#蔥仔越南包 💛
又到咗大角咀嘅私心推介時間啦😚😚今次介紹嘅就係好出名嘅蔥仔越南包😻😻佢嘅位置就直頭係上次介紹嘅威尼斯餐廳隔離✨而且店舖上面都有個細細地嘅洋蔥標誌🧅所以都好方便搵🙈🙈另外男小編身為mix嘅越南人🤍可以好放心同大家講 依間鋪嘅法式越南包絕對比越南食到嘅更加好味（當然價錢唔同都唔可以直接比較，但真係好好味）👅👅‼️‼️
首先講返依間店舖啦😋一入到黎第一眼就見到好多嘅文宣💛💛絕對係區內首屈一指嘅黃店😍😍而座位方面得兩張二人細枱 同埋一張可以坐到三四個人嘅吧枱 所以大部份嘅顧客都係外賣🤩🤩而且因為小店得老闆仲有一位員工負責所以有時可能要等耐少少🤏🏻大家要耐心等待下❤️另外提吓依度淨係收現金而且係自行找續💰
而嘢食方面話明係越南蔥仔包🇻🇳所以主打嘅都係法式越南包✨除咗俾你揀4.5吋或者9吋包之外 淨係可以俾你揀加錢轉套餐飲埋湯或者加份蔬菜🙈🙈但唔好以為間店舖食物咁單調一定會好悶 正正就係因為佢選擇少所以做到每一樣出品都好精緻👍🏻👍🏻每一項食物都有自己強烈嘅特色🤟🏻🤟🏻絕對唔會令到你覺得食一兩次就會悶 反而係吸引到男小編由佢試業開始食到而家🤩‼️
經典越南法包9寸套餐$58💰（9/10）
Classic Vietnamese Baguette 🌯
講返個包先啦🤍身為半個越南人嘅男小編覺得同越南食到嘅最大分別就係佢個包嘅處理上做得好好‼️除咗佢會預先行烘熱個包 令到個包由原本法式好硬食到牙痛嗰隻變返做正常人可以食到琳琳地嗰個質感😚😚而且麵包上抹左一層薄薄地既鵝肝醬蛋黃醬👅令到個包有一浸淡淡嘅香甜味✨亦為包入面帶出鹹味嘅扎肉、烤肉、肉鬆以及帶出酸味嘅酸蘿蔔、甘筍作出一個好好嘅平衡👍🏻👍🏻每一啖食落去你都可以好清晰咁feel到唔同層次嘅味道🤤首先係包嘅香甜 然後就會到肉嘅鹹 最後就會咬到一大宅醃酸蘿蔔嘅酸澀 令到你嘅味蕾好似坐緊過山車咁😻😻感受住唔同食材帶比你嘅衝擊 每一啖食落去都係新嘅一種感受 😋😋另外不得不讚嘅就係佢扎肉嘅厚薄切得非常好 雖然有啲人可能會覺得依個厚度嘅扎肉口感上較為失色🤏🏻但我就會覺得如果再切厚少少嘅話就會太過鹹🙊令到個包酸味冇咁突出 同時令到個包變到冇咁開胃 失去左吸引到你一啖又一啖忍唔住繼續食落去嘅感覺 所以男小編覺得而家個包啱啱好❤️
·
是日餐湯係南瓜湯、蘑菇湯🫕（9/10）
因為男小編同女小編都唔係咁鍾意南瓜嘅關係所以揀咗蘑菇湯😻大家唔好見到碗好似好細咁樣 其實你每一啖飲落去你都食到好大量嘅蘑菇👍🏻👍🏻可想言之佢係幾咁足料🤟🏻除咗碗湯本身好creamy嘅口感之外😋亦都真係會飲到好濃好甘甜嘅蘑菇香味👅👅而且加上碗湯真係好多好多蘑菇🙈所以每一啖飲落去真係好似成粒蘑菇係你個口腔入邊爆出黎咁樣💦💦極度推薦大家加錢轉套餐飲湯❤️❤️❤️女小編真係超級鍾意飲個湯阿✨✨✨
嚟到蔬菜方面🥙佢每一日嘅蔬菜都唔同 小編有食過西蘭花、秋葵、冬菇、椰菜等等🥗雖然又係望落好似好細兜咁樣但係同樣會令到你有種好滿足嘅感覺🤩蔬菜可能係因為過冷河嘅關係所以保持到好清爽嘅口感😚😚每一種蔬菜食落去都係好清爽好fresh 🙈而且每份蔬菜佢都會加上芝麻同埋蝦米嘅油香‼️所以令到蔬菜除咗自己本身嘅自然香甜😋亦都會有蝦米嘅鮮甜🤍令到份蔬菜嘅味道昇華👍🏻👍🏻同樣非常出色😻😻
所以睇到呢度嘅你哋 就快啲save低佢🤤🤤同埋朋友仔去食啦😚😚😚‼️‼️‼️
推薦指數🌟 9 / 10 🌟
Post
