Bakehouse

Open Now

Now Closed

星期四放假，準備去shopping 之餘，特意外出食個靚午餐，愛好牛角包既我，一直好想試Bakehouse既牛角包及蛋撻，不過知道要排長龍，聽聞要等一、兩個鐘，所以等放假先去碰下運氣！到達時，剛好中午十二點，正是午飯時間，見到外賣自取那邊排長龍，堂食那邊沒有人排隊，原來門外有個店員是負責登記堂食客人的電話，店員好有禮貌説明現時大約要等一個鐘，如果早會在手機訊息通知，登記完手機就會立刻顯示你正在排隊，有條Link睇到自己仲要等幾耐，因為唔需要企定定等，所以就去行吓街。過了半個鐘，收到信息話現在有位，會hold枱十分鐘，於是立刻行去餐廳，接待、點餐及送餐的職員態度都非常好！我點了個兩樣食物既set lunch $108，是日餐湯及沙律，另外點了牛角包及蛋撻，食物很快就到，首先來蛋撻及牛角包，接著餐湯及沙律，由於怕太飽食唔落，所以打包個牛角包走，店員好細心幫我放好已入袋既牛角包，還幫我放好在一個唔會容易整到個包既位置，因為我沒有點飲品，店員見我飲完杯水，很快就為我添水，服務態度真係非常之好！我下次一定會再去試其他食物！