小小館私房菜

Open Now

Now Closed

屋企人聚會，喺觀塘搵咗幾間私房菜發現呢間比較特別，今次就試吓呢一間。訂位之後餐廳會send菜單俾我哋落order預備材料。8大1小慶祝中秋節前菜：白玉葡萄話梅涼瓜鍋貼小棠菜主菜：拔絲鳳梨黑豚肉炸子雞 一隻百花煎煮蟹鉗x8蒜蓉蒸蟶子皇x8姬松茸燉竹絲雞湯 加大花雕蛋白虎蝦王x8秘燒安格斯牛柳炆伊麵 杞子魚肚波菜苗甜品：杏汁燉桃膠 x4私房菜餐廳喺工廈入邊，唔係好識路都搵咗一陣。我好少食苦瓜，不過佢做呢個冷盤我反而接受到。花雕蛋白虎蝦王超級好食！好香嘅花雕味道，整到啱啱好。其實隻蝦好大隻，可能因為個盤太大，所以影相顯得細隻咗。鍋貼小棠菜炸得好脆，好香口。百花釀蟹鉗好味炸子雞，肌肉好嫩滑，炸到個皮勁脆。鳳梨黑豚肉，係超級超級超級好味，啲豬肉係脆嘅唔肥！蟶子皇係超級大隻，真係超級超級大隻，蔥油好香好好味！呢個秘製牛柳又係超級好！好香甜，牛肉10分嫩滑。姬松茸螺頭湯都係必飲！總結，係超級好味嘅私房菜！真係要讚吓廚師，每一道菜都好好食！係普通中菜餐廳絕對比唔上嘅水準。一定會再嚟食，雖然係工廈入邊，但係裝修都唔差，侍應都照顧周到。