Video
Read full review
2020-06-04
901 views
好日都唔嚟上環，咁啱今日行經過呢個廣場，見到有間睇落坐得都幾舒服，而且價錢好抵嘅車仔麵店，咁就試吓啦。門面睇落好光猛，座位幾闊落，望一望個餐牌，有我好鍾意食嘅水煮魚，水煮魚同米線，都係我最鍾意嘅食物之一。➡️ 水煮魚米線 ($69)平時食一碗水煮魚閑閑哋都$200，咁$69應該唔會有好多魚肉，但竟然差唔多成個碗都係魚肉，米線仲分開上添。水煮魚整得夠麻辣，魚肉仲要好嫩滑，咁嘅價錢食到咁嘅質素，真係物超所值，大推！➡️ 咖喱魚蛋豬皮雙拼 ($24)咖喱魚蛋配上豬皮簡直就係絕配，咖喱魚蛋細細粒一啖食入口，食極都唔厭。豬皮腍得嚟又有咬口，好正！➡️ 千杯不醉雞翼 ($30)雞翼大大隻，啲酒味又唔會太濃，唔鐘意太重酒味嘅朋友都會啱食！➡️ 醬燒豬軟骨+極品牛腩條+瑞汁滑雞翼+黑松露雞肉水餃米線($71)超級足料嘅米線，肉嘅份量非常多又大舊。好值得推介嘅係呢個黑松露雞肉水餃，黑松露嘅味道非常重，真係食到停唔到口，真心想叫多幾隻嚟食！總括而言，價錢唔貴而且坐得舒服，一定會再幫襯！揀得啱車仔麵地址📍: 上環皇后大道中181號新紀元廣場低座2樓205號舖.............................
門面睇落好光猛，座位幾闊落，望一望個餐牌，有我好鍾意食嘅水煮魚，水煮魚同米線，都係我最鍾意嘅食物之一。
➡️ 水煮魚米線 ($69)
平時食一碗水煮魚閑閑哋都$200，咁$69應該唔會有好多魚肉，但竟然差唔多成個碗都係魚肉，米線仲分開上添。水煮魚整得夠麻辣，魚肉仲要好嫩滑，咁嘅價錢食到咁嘅質素，真係物超所值，大推！
➡️ 咖喱魚蛋豬皮雙拼 ($24)
咖喱魚蛋配上豬皮簡直就係絕配，咖喱魚蛋細細粒一啖食入口，食極都唔厭。豬皮腍得嚟又有咬口，好正！
➡️ 千杯不醉雞翼 ($30)
雞翼大大隻，啲酒味又唔會太濃，唔鐘意太重酒味嘅朋友都會啱食！
➡️ 醬燒豬軟骨+極品牛腩條+瑞汁滑雞翼+黑松露雞肉水餃米線($71)
超級足料嘅米線，肉嘅份量非常多又大舊。好值得推介嘅係呢個黑松露雞肉水餃，黑松露嘅味道非常重，真係食到停唔到口，真心想叫多幾隻嚟食！
總括而言，價錢唔貴而且坐得舒服，一定會再幫襯！
揀得啱車仔麵
地址📍: 上環皇后大道中181號新紀元廣場低座2樓205號舖
..............................
味道😋: ⭐️⭐️⭐️⭐️
環境👀: ⭐️⭐️⭐️⭐️
服務👨🏻🍳: ⭐️⭐️⭐️⭐️
抵食💰: ⭐️⭐️⭐️⭐️
Post
