Video
Read full review
2018-05-02
2505 views
倫哥今日同屋企人食半自助雞煲火鍋打邊爐，朋友推介呢間好食，海鮮新鮮，服務又好。最緊要都係自己試吓先知，梗係要帶屋企人去試吓啦。原來有七間分店，真係唔可以講笑，今日終於可以黎試吓啦。。間鋪頭都幾乾淨，枱面仲有教你食雞煲嘅四個步驟，首先等雞煲滾起，每2分鐘就要攪一攪，一共要搞四次，然後雞煲食到一半就可以加埋其他嘅配料落雞煲。飯前水果、象拔蚌刺身：真係估唔到，食雞煲都有飯前水果，而且水果的種類都幾多，仲好新鮮添。一直都懷疑,水果係飯前食,定飯後食呢，不過店員已棒上新鮮水果盤，當然忍唔住要開動啦。兩個前菜小吃分別是四季豆及麻辣木耳，份量都唔算好大，小小的一碟，帶點少許酸酸辣辣。木耳帶點兒微辣，味道非常開胃。越食就越停不了口。侍應好快為我地捧上象拔蚌刺身，切得都算幾薄，賣相絕對吸引，爽口彈牙。如果不蘸豉油Wasabi ，都沒有腥味。新鮮象拔蚌配上少許豉油，已帶出象拔蚌嘅鮮味。此外，每位還送一客鮑魚，誠意十足，鮑魚是中等的大小，不會太小，非常軟冧入味。雞煲：雞煲都係任叫任點嘅，我哋首先點咗BB辣。店員仲好細心，提醒我地攪拌四次共8分鐘就可以食呢。個雞煲真係幾有水準，係BB辣真係唔係太辣，不過慢慢食
今日同屋企人食半自助雞煲火鍋打邊爐，朋友推介呢間好食，海鮮新鮮，服務又好。最緊要都係自己試吓先知，梗係要帶屋企人去試吓啦。原來有七間分店，真係唔可以講笑，今日終於可以黎試吓啦。
。
間鋪頭都幾乾淨，枱面仲有教你食雞煲嘅四個步驟，首先等雞煲滾起，每2分鐘就要攪一攪，一共要搞四次，然後雞煲食到一半就可以加埋其他嘅配料落雞煲。
飯前水果、象拔蚌刺身：
真係估唔到，食雞煲都有飯前水果，而且水果的種類都幾多，仲好新鮮添。一直都懷疑,水果係飯前食,定飯後食呢，不過店員已棒上新鮮水果盤，當然忍唔住要開動啦。
兩個前菜小吃分別是四季豆及麻辣木耳，份量都唔算好大，小小的一碟，帶點少許酸酸辣辣。
木耳帶點兒微辣，味道非常開胃。越食就越停不了口。
侍應好快為我地捧上象拔蚌刺身，切得都算幾薄，賣相絕對吸引，爽口彈牙。如果不蘸豉油Wasabi ，都沒有腥味。新鮮象拔蚌配上少許豉油，已帶出象拔蚌嘅鮮味。
此外，每位還送一客鮑魚，誠意十足，鮑魚是中等的大小，不會太小，非常軟冧入味。
雞煲：
雞煲都係任叫任點嘅，我哋首先點咗BB辣。店員仲好細心，提醒我地攪拌四次共8分鐘就可以食呢。個雞煲真係幾有水準，係BB辣真係唔係太辣，不過慢慢食多幾啖嘅時候食，就有麻辣嘅味道， 慢慢滲出。雞件都幾入味，而且肉質好嫩滑，食雞煲，最怕煮得過時，雞肉便立即變得過熟了。好鍾意食雞煲入邊嘅洋蔥，吸收左雞煲嘅精華，味道濃郁入味。
剛食完一個雞煲之後，店員亦都有問我地識唔識要在家，服務態度真係值得一讚，不過大家都好期待海鮮打邊爐，所以食一個雞煲已經好夠啦。
湯底：
食完雞煲之後，就到海鮮邊爐啦。我哋揀咗水果湯底，因為覺得好新奇，真係第一次食色彩繽紛嘅生果鍋，湯底入邊有木瓜、哈密瓜、西瓜🍉、士多啤梨🍓、粟米🌽等。只係見到個湯底，已經加分，見到一件件嘅生果浮係湯中，估唔到個湯底係咁甜，未開始打邊爐，已經不停咁飲湯。最後加埋海鮮，特別係隻🦀，鮮甜到不得了。
海鮮盤：
每位海鮮一份🦑🦐🦀🐙🐟
店員建議我地先放隻蟹，再放貴妃蚌、baby象拔蚌同生蠔落去，唔需要滾太耐，轉色就食得。
最抵食係部份海鮮仲可以添加，例如海蝦、白蜆、生魚片同脆肉鯇，鮮甜到極。
屋企好鍾意食蟹，除咗新鮮之外，仲有蟹膏添。
牛頸脊：
呢碟肉係我全晚嘅最愛！一般的火鍋放題，都會供應安格斯牛肉、本地手切肥牛，等等。不過這間食店供應的牛肉，部位並不是最常見的——牛頸脊，實在是較為罕見。
牛頸脊就是牛頸至牛膊中間的一段肉，這個部位由於郁動較多，肉質細緻結實、肥瘦適中，質感和味道都優勝，雖然是厚切，但只需要滾數十秒，便能只要見到牛肉轉了色，便可以品嚐了。
甜品：
食到差唔多有九成飽，店員仲好殷勤咁奉上甜品——鮮奶燉燕窩，非常幼滑，甜度適中，為呢一餐畫上嘅完美句號。
Post
