阿久根和牛拉麵屋

Open Now

Now Closed

裝修以吧枱形式，佈置好有日本昭和特色。選擇非常豐富，除咗經典炙燒豚肉、叉燒、雞肉之外，仲有A4和牛。湯底選擇都好豐富，包括美噌海老湯，雞白湯，黑蒜濃湯，香蔥醬油湯同激辛湯～叫咗招牌三色拉麵（雞肉、和牛、豚肉）襯香濃海老湯 138，因為小朋友先做選擇！三款都試晒，非常有驚喜🤩🤩 叉燒做到肥膏入口即溶之餘，瘦肉竟然唔係柴皮！😳 慢煮雞肉好嫩 仲有味醂甜味🤤 A4和牛更加唔使講，灸燒咗有焦香，牛味非常濃郁，半生熟入口更佳🤤🤤 湯頭極度濃味，飲得出用大量鮮蝦熬製，非常好飲，忍唔住一口接一口🤤櫻花蝦更係畫龍點睛！我宣佈：阿久根正式成為我最喜愛的拉麵之一，下次一定會試埋雞白湯拉麵！