古今

Open Now

Now Closed

幾年前喺觀塘食過幾好，所以喺附近想食日本嘢咪揀呢度，但係估唔到超級失望，整體非常差。一坐低已經聞到陣噏味，唔知係傢俬定邊度傳出嚟。由坐低到食咗3碟嘢都無人俾茶我哋，我仲以為呢度無茶供應，問一問原來係有嘅，其實計埋我哋得2枱客，你連茶都唔俾人😅😅第一輪食物算快嘅，之後再加單叫咗串燒同天婦羅，但等足25分鐘，問一問先知原來做咗張外賣單先，呢個係侍應親口講，最後我話cancel order啦，先話燒緊。吓？你話多人做唔切我都明呀，2枱客咋ok?隔離嗰枱仲要係差不多食完，我唔係呢頭order嗰頭問，真係等咗25分鐘，見又無其他客，問一問就收到呢個答案。到食物，俾咗百幾蚊叫咗個「蜘蛛」完全唔值呢個價，蒜香牛油燒帆立貝係完全無味，我連丁點蒜味都食唔到聞唔到，真係無味！係最一開頭嘅火灸左口魚裙邊壽司唔錯，入口即溶嘅，得呢個可以接受。一句講晒無下次！