Video
Read full review
2011-02-21
70 views
又凍又毛毛雨, 一於食個暖笠笠的飯呀。老友提議去試太古城的韓國菜, 韓國人同事常常幫襯, 應該ok喎。原來我搞錯地點, 當咗好多年前的韓國餐廳還在, 點知在平台花園環園一周都揾唔到,這個新址+新店, 真係唔識佢。 泡菜豬肉湯 - 撈飯真的好好味, 天氣凍嘛, 熱辣辣, 少少酸, 好。跟湯只得一個白飯, 我地一於再來一個白飯混湯吃。侍應話, 韓國人多叫這個湯；香港人多叫普通豆腐湯, 雖然都係辣, 但係不同的辣。 已醃的牛肋骨 - 第一次見跟薯片的喎, 燒成薯片, 好得意又好味。洋蔥好薄, 燒完透明好靚。牛肋骨因為個汁甜甜地都好味, 唔怪得韓國妹話佢次次都食牛。 羊肉 - 試完牛肋骨, 有信心, 再叫羊肉一試。又係甜甜地的汁, 食到少少羊酥味, 好味！最重要D肉夠淋, 老友食得到, 大家都好啱食。 芋頭雪糕 - 我地唔係叫套餐, 毫無「預警」之下, 竟然免費送我地一人一杯雪糕！單叫要$40一個呀！泡菜小碟 - 都唔係八小碟既, 而且仲要叫一個菜就只會來三碟, 叫第二個菜才會來多三碟。叫第三個菜又唔見來第七八九碟喎。好多侍應, 質素參差。我仲以為韓國餐廳工作, 講廣東話唔正就
老友提議去試太古城的韓國菜, 韓國人同事常常幫襯, 應該ok喎。
原來我搞錯地點, 當咗好多年前的韓國餐廳還在, 點知在平台花園環園一周都揾唔到,
這個新址+新店, 真係唔識佢。
泡菜豬肉湯 - 撈飯真的好好味, 天氣凍嘛, 熱辣辣, 少少酸, 好。跟湯只得一個白飯, 我地一於再來一個白飯混湯吃。
侍應話, 韓國人多叫這個湯；香港人多叫普通豆腐湯, 雖然都係辣, 但係不同的辣。
已醃的牛肋骨 - 第一次見跟薯片的喎, 燒成薯片, 好得意又好味。洋蔥好薄, 燒完透明好靚。牛肋骨因為個汁甜甜地都好味, 唔怪得韓國妹話佢次次都食牛。
羊肉 - 試完牛肋骨, 有信心, 再叫羊肉一試。又係甜甜地的汁, 食到少少羊酥味, 好味！
最重要D肉夠淋, 老友食得到, 大家都好啱食。
芋頭雪糕 - 我地唔係叫套餐, 毫無「預警」之下, 竟然免費送我地一人一杯雪糕！單叫要$40一個呀！
泡菜小碟 - 都唔係八小碟既, 而且仲要叫一個菜就只會來三碟, 叫第二個菜才會來多三碟。叫第三個菜又唔見來第七八九碟喎。
好多侍應, 質素參差。我仲以為韓國餐廳工作, 講廣東話唔正就係韓國人添, 呢區多韓國住家嘛。
點知老友話, 肯定有一個係內地人, 有一個係尼泊爾人。
尼泊爾人好啱傾, 溝通到, 大家有講有笑。佢既介紹果然試得過。
唔使叫, 一飲完茶就自動有人埋來添茶, 添茶服務周到。
二人盛惠400多元。老友一於請我, 當補食生日飯！
坐得舒服, 食得開心, 好味又温暖, 仲有double意外驚喜, 非常愉快的一餐！
Post
