名家韓國餐廳 (元宮閣)

Open Now

Now Closed

年廿九晚上，選擇到太古城名家食團年飯，其實以往經驗，都明知呢間餐廳服務態度同埋食物都欠奉，但因為地方比較方便同唔係中餐，唔需要同人迫，所以除夕夜都選擇咗呢間。一去到餐廳，第一個衝擊就係竟然要將六人迫埋一個細細嘅卡位，其中一個人仲要係坐喺窗台嘅邊挨住埲磚牆，就算三位女士，都真係僅僅坐得落（圖一）跟住就叫餐嘅時間，另一個「驚喜」，就係本來想叫個「海鮮」香蔥餅，但嚟到之後，真係以為嚟咗個素香蔥餅，一丁點嘅海鮮都唔見，我諗都唔需要多講，有圖有真相，簡直係違反商品說明條例(圖二及圖三）找職員來查詢，職員話因為啲海鮮剁碎晒，所以唔見，但真心，就算整開個蔥餅，除非佢將佢搞到變哦蓉，但係實在一丁點切碎咗嘅海鮮痕跡都係見唔到嘅。總結，服務差之餘，如果唔係因為地點，真係唔會選擇嚟呢度。

最近睇得多Netflix嘅韓綜, 成日都想食韓國菜, 今晚就約埋朋友仔試下呢間位於太古城嘅名家韓國餐廳, 餐廳環境幾大, 無咩油煙, 整體幾乾淨, 而且店員服務都好好✨️濟洲島黑豬肉好開心有店員幫忙燒, 唔係就浪費左咁靚嘅黑豬肉, 燒好嘅豬肉油香滿溢, 口感軟嫩, 配搭生菜、蒜片、醬汁同食, 口感豐富又惹味✨️香蔥生菜沙律第一次食E舒沙律, 口感爽脆開胃✨️牛肉大醬湯熱辣辣嘅大醬湯, 味道濃郁, 入面仲有好多配料, 暖胃又好飲✨️醬油蟹醬油蟹超多膏, 醃得相當入味, 加埋米飯、紫菜、蛋黃同醬油同食, 超滿足✨️醬油蝦醬油蝦咬落去已食到微甜惹味嘅醬油香, 肉質結實富彈性, 鮮味十足✨️海藻蠔肉年糕湯呢個1月份期間限定嘅韓國賀年美食一海藻蠔肉年糕湯, 車車都係第一次飲, 湯汁味道鮮甜, 年糕口感煙韌配搭海藻同蠔肉, 估唔到幾夾

今日約同事食 lunch, 前幾日已訂枱5位 。到餐廳比張4人卡位我哋，但我哋5位男士，問咗幾個唔同嘅職員話可唔可以換枱，佢哋就話 lunch 好多人不能換，咁我哋唔係人？最後無辦法叫佢加張凳比我坐路口，都要叫咗兩三次先加 。食物質素可以，食完佢就快快脆幫你收晒枱面叫你埋單 。服務9流餐廳 。香港餐廳執唔係無原因！唔會再幫襯！

天氣轉冷，帶大家吃個韓式料理吧🥢 有野送🎁😍..今次黎到【名家韓國餐廳】，一家主打韓國地道菜式～食材勻由韓國直送✈️ 保證優質新鮮❤️，菜式勻保留傳統風味，就算前菜都款式多多又可口呢，仲有經典「香輩生菜沙律」。其中韓國菜名物一定唔少得「醬油蟹🦀」，蟹膏呈橙黃且蟹肉新鮮有光澤，真的很新鮮呢！無論淨食 or 拌飯同吃一樣滋味。當然亦要一試「醬油蝦🦐」 同樣新鮮美味。1月份限定韓國賀年美食🎋，一定唔少得「海藻蠔肉年糕湯」，傳統年糕湯來應應節吧！石鍋方面，就點選了「牛肉大醬湯🍲」，熱辣滾燙～天寒地凍喝一口熱湯很暖身呢。黎到燒肉部分，今次有「濟洲島黑豬肉」，豬腩肉肥瘦均勻，全程由職員幫忙燒製，確保肉肉火喉😍，簡單蘸點大醬同吃 or 用生菜包著吃減膩又清新～很滿足。..×××××ש太古太古城道20號元宮閣地下G402-403號舖..

點完餐後會上6款前菜6 types of appetizers are served after order placed.石鍋牛肉雜錦拌飯服務員上菜時會問客人是否須要加醬料撈石鍋飯期待的都是石鍋的飯焦Soggi Dolsot Bibimbap (Sizzling Stone Pot Rice with Beef, Vegetable, Egg & Korean Premium Chili Paste)The service staff asked the guest if sauce needed for mixing into the rice.What we are looking forward is the crunchy rice around the Stone pot)人蔘雞湯人蔘雞一如以往都是雞腔塞滿了糯米等材料Samgyetang (Ginseng & US Premium Organic Chicken Soup)As usual, the chicken is stuffed with a lot of glutinous rice and ingredient

午市六人枱提供六款前菜，泡菜只剩一款，之後只能添加其中兩款，詢問過後二人枱跟六人枱一樣做法，處理上嚴重不公平，如果多於二人到此用膳，建議可以分兩枱。牛肋湯的牛肉已不如以往般軟嫩，燒鱔魚偏甜，烤青魚越來越細條，唯獨海鮮湯面有很多青口，算比較抵食。樓面服務態度很差，衛生環境也很差，非常多昆蟲飛來飛去，名家已越做越差，價錢又越來越貴，不值得再到訪用膳，先不說北上，根本連跟其他本地韓國菜也很直接地被比下去。

閒日經過貪近諗住食午餐、一入門口操唔純正廣東話著黑西裝(黑唔過佢塊面)嘅女經理做帶位、其怪嘅係店內明明四圍都好多空位、問下可唔可以坐第度e位女經理面就更黑、堅持話要留黎搭枱、迫客人坐餐廳側無日光完全唔通風嘅地方搭枱(見圖)之前食過食品水準非常普通、湯正常但魚有腥味食落唔新鮮、茶淡到好似茶色水、午餐加一後閒閒地hkd150-200一位、佢咁嘅價錢唔係低檔但服務隨時差過茶記、完全對唔住個價錢、黎食真係貼錢買難受🫠

走到呢間韓國食店嗰陣，個肚嘅響聲比K-pop仲大聲！🎵首先serve上嚟嘅係六款小菜，好似星空閃閃咁吸引我。個炆牛肋骨實話實說，嗌正呀！👍 牛肋骨炆得啱啱好，肉質腍軟得滑唔溜手，辣汁冷麵就有勁，啖啖煙韌，不過我都期待佢可以辣到我流啲汗！人蔘雞份量嚟講咪算慷慨，味道平平，但個人嚟講，少少人蔘香氣令我有種回春嘅錯覺。烤五花腩咪就真係有啲得意，啲肉有點韌但香氣十足，再加埋店員嘅燒功，好得黎唔覺得肥。🍽去嗰次唔約嘛係點咗烤魚，個魚焦香得嚟唔失去水份，連個wasabi豉油配搭都令人讚賞。總結今次食體驗，感覺好正宗。reuse小菜嘅超貼心服務都令我印象深刻。韓國風味飽滿嘅食物，服務周到，真係好適合朋友聚餐嘅好地方！下次再嚟，係一定要試試埋其他款！

原本想約食飯不過同事病咗，最後嚟咗呢間韓國餐廳，直入唔使等位。點咗石鍋鷄肉雜錦拌飯，上菜嘅時候先記得上次食過，味道無變，不過我今次竟然都加到三羹辣。同事點咗辣牛肉絲湯套餐、烤牛肋骨套餐，等到我差唔多食晒至嚟，可能煮得太熟同事咬唔入口，叫咗用鉸剪剪碎牛肋，不過職員用刀期間，唔小心油漬沾到佢衣服。呢份午餐價錢中檔，套餐配前菜、餐湯同埋維記雪米糍，職員斟茶遞水。難得可以一齊出去，不過今日嘅經驗就相當一般

原本想約食飯不過同事病咗，最後嚟咗呢間韓國餐廳，直入唔使等位。點咗石鍋鷄肉雜錦拌飯，上菜嘅時候先記得上次食過，味道無變，不過我今次竟然都加到三羹辣。同事點咗辣牛肉絲湯套餐、烤牛肋骨套餐，等到我差唔多食晒至嚟，可能煮得太熟同事咬唔入口，叫咗用鉸剪剪碎牛肋，不過職員用刀期間，唔小心油漬沾到佢衣服。呢份午餐價錢中檔，套餐配前菜、餐湯同埋維記雪米糍，職員斟茶遞水。難得可以一齊出去，不過今日嘅經驗就相當一般

好耐以前剛開舖一開始好食，之後先開埋尖沙咀分店，分店都好食。見咁耐無食，上兩星期突然想起食韓國野，去左尖沙咀分店食，唔錯，仲keep到水準諗住今日過嚟太古城中心睇戲，夜晚嚟太古呢間分店食，點知就瀨晒嘢！我叫返上星期食過嘅牛肋骨、生菜盤、生牛肉、海鮮煎餅同埋牛肉石頭鍋飯，另外叫埋蘆薈汁。落咗單冇耐就上咗牛肋骨同生菜，見到生菜盤上嘅蒜頭係不規則咁切嘅大粒蒜塊，同尖沙咀分店嘅蒜頭片好唔同，心諗呢間分店嘅處理方式應該都同尖沙咀好唔同。接着就上咗飲品同海鮮煎餅，即刻提個侍應唔好上個石頭鍋飯，最後先上。侍應小姐答我：「好，冇問題。」佢見我哋開始食個煎餅，佢跟手熄埋我個爐。點知過咗幾分鐘，另一個侍應上個石頭鍋飯，我哋個樣即刻大惑不解，明明剛剛先提咗你哋，之前答應我哋個小姐過返嚟，話我哋頭先講嘅時候已經整緊個飯喎，我哋真係好唔明白，如果嗰時整緊，咁你咪同我講返整緊囉，咁點解又要答應我冇問題呢？唉，我都算啦。其實我真係想淨係食餐飯，跟住就真係嚴重過分啦，佢上咗碟生牛肉，個侍應拎到埋枱就接着話幫我哋撈起佢，佢撈好咗拎過嚟同我哋講：「呢個要快啲食」我哋食開梗係知啦，即刻拎埋自己正前面諗住夾，但我一睇嚇親，點

太古城🌏核心外圍的外圍, 有間經營多年的韓國餐廳🇰🇷👌🏻座位舒適, 假日晚市都好🈵座°前菜🆓6款韓式涼拌菜(可refill)✔️泡菜｜涼拌菠菜｜蜜漬黑豆｜蒜蓉南瓜｜薯仔🥔｜涼拌大豆芽個人最中意黑豆⚫️同泡菜😽泡菜新鮮醃製, 夠辣唔酸👍🏻黑豆甜甜地, 中和返嚟緊食嘅主菜🤪～°Set Menu G🔸精選牛肉拼盤🐮牛舌｜牛肋肉｜醃製牛肋骨牛肉味濃, 肉質鮮嫩多汁沾少許鹽🤏🏻帶出牛味已經好夠😋✔️另附生菜盤🥬, 都有8-10塊配料：生蒜🧄及青辣椒🌶️🔸特級加拿大龍蝦尾🦞(2條)本身我哋傻傻吓😵‍💫, 將龍蝦肉拆殼燒🙈🧍‍♂️熱心的店員叔叔見狀, 即刻過嚟幫我哋燒😳佢話唔想啲客因為用錯方法燒, 嘥咗啲食材100個like先啦🥹🫶🏻🔸鮮帶子 (6粒)帶子size適中, 爽口彈牙🔸海鮮香蔥餅雖然係鐵盤上, 但煎得唔夠脆口🥴海鮮份量極少, 厚粉咗啲🤏🏻🫣🔸人參雞湯(4人份量)或可選滑豆腐海鮮辣湯🥣人參湯味道偏淡🐔雞的肉質較嚡🙈職員見到我自己起身分湯, 先埋嚟幫手, 主動度欠奉🤔🔸韓式炆豬手 $320 6/10👎🏻豬手偏肥, 肉質較為硬身🔸Suntory Draught Beer🍺 $50 🗣網上話太古店服務差

週日午餐，太古城名家以為自己去咗大排擋食。食物一貫水準，可惜服務不要期望什麼了。記住要叫催唔止一個人拿野。有一個姐姐（不是部長級）扮回應你好，英文不得，似街市大排擋講野，其實最後她一定唔會幫到你。反而男仔侍應招呼非常週到。可能午市執檯姊姊做埋侍應，十分「茶餐廳」😆絕對不是前菜無限添加，只係換都係扮應其實從來不拿，叫到笫三個侍應才會換俾你😖食物點了$480 二人餐及雞拌 飯，$800 午餐卻換來大叫侍應，不停催促，不會有下次

名家係太古坊坐得舒服、環境又乾淨嘅韓國餐廳 平時呢間餐廳多數都係散叫、原來星期一至五有lunch set、價錢都算合理！一坐低已奉上粟米茶！雖然係免費茶但係味道都好濃、唔會淡茂茂！之後仲有六款韓式涼拌菜、職員話係可以免費Refill 嘅,包括有最經典嘅泡菜、涼拌菠菜、蜜漬黑豆、蒜蓉南瓜、薯仔、同埋涼拌大豆芽我最鍾意呢度嘅自家泡菜夠辣之餘一食就知係新鮮醃製唔係攞貨嗰啲！叫左炆牛肋骨套餐同烤芝士辣汁雞肉套餐每個套餐包一碗白飯、一碗蘿蔔牛骨湯！牛骨湯有啲偏鹹但係好濃郁 🥶牛肋骨食落係甜口的、配料有紅蘿蔔同白蘿蔔！所有嘢都炆得好林好入味！牛肋骨仲要帶少少肥同根！忍唔住越食越多 🤐🤐另外一款烤芝士辣汁雞肉、裏面配料有椰菜紅蘿蔔蘑菇、雞肉食落去都好滑！但係略嫌芝士唔夠、雖然講到明係辣汁但係真係好辣 😅 唔食得辣嘅朋友慎點 👻一共refill左兩次配菜、食完呢一餐當晚都食唔落晚飯 😹

太古城的韓食選擇愈來愈少，是港人口味改變了，還是太古城的韓國人減少了。這店時不時就會去吃一下。先來6款前菜，甜甜的薯仔是我比較喜歡的， 還有鮮甜南瓜，黑豆軟軟綿綿，菠菜嫩滑沒有太多根，芽菜仔爽脆，而泡菜是辣辣的使人開胃。牛肋骨，這個醃製了，燒後肉質嫩滑，而且肉汁非常豐富，帶一點焦香味。新鮮五花腩片，腩肉一層油一層肉燒來吃香口無比，喜歡油脂在口內爆發的感覺，配一點鹽味道更佳。海鮮香蔥餅，沒有什麼特別就是煎餅一樣。人參雞湯，人生的甘苦味與雞肉及糯米非常配合，湯頭濃郁。味道: 值得一試環境: 舒適衛生: 整潔服務: 周到價錢: 可接受