Video
Read full review
2019-04-10
844 views
係太古上完堂，都差唔多到老公放工時間，不如去排下大户屋，次次經過都大排長龍排好耐，最尾放棄食唔到。見5點幾幾早，就行過去攞飛排隊，等得嚟應該老公都嚟到。但原來甘早都已經坐無虛席，仲開始出現等位情況。攞飛個陣5點半，原來都要等15張枱。所以行下附近嘅超巿商場消磨時間，大約等了45分鐘就有位。餐牌上有各式各樣嘅定食，每一款都好吸引，令人花多眼亂添。燒鹽麴熟成五花腩定食老公第一眼就睇中呢個五花腩定食！五花腩份量有3條切細件，件件燒得香嫩又帶少少燶邊，入口甘香但完全冇油膩感呀，亦有黑椒粉隨自己喜好添加，我覺得點少少，加左更加好食呀，伴碟嘅薯仔沙律亦都好好食呀！蒸蛋清微嚟非常滑，定食仲包埋味噌湯，老公表示食完非常滿足，捧住個肚腩。生薑醬油牛脷定食牛脷份量相對嚟講比較少，嚟到個下仲炸炸聲，每一件煎得好靚，入面爽口微嚟又好juicy，配埋個微辣面鼓醬幾match。大家都食到好滿足呀。一份定食一百頭左右，份量足夠，又好食，性價比高，如果唔洗排甘耐隊就好啦！
見5點幾幾早，就行過去攞飛排隊，等得嚟應該老公都嚟到。但原來甘早都已經坐無虛席，仲開始出現等位情況。
攞飛個陣5點半，原來都要等15張枱。所以行下附近嘅超巿商場消磨時間，大約等了45分鐘就有位。
餐牌上有各式各樣嘅定食，每一款都好吸引，令人花多眼亂添。
燒鹽麴熟成五花腩定食
老公第一眼就睇中呢個五花腩定食！五花腩份量有3條切細件，件件燒得香嫩又帶少少燶邊，入口甘香但完全冇油膩感呀，亦有黑椒粉隨自己喜好添加，我覺得點少少，加左更加好食呀，伴碟嘅薯仔沙律亦都好好食呀！蒸蛋清微嚟非常滑，定食仲包埋味噌湯，老公表示食完非常滿足，捧住個肚腩。
生薑醬油牛脷定食
牛脷份量相對嚟講比較少，嚟到個下仲炸炸聲，每一件煎得好靚，入面爽口微嚟又好juicy，配埋個微辣面鼓醬幾match。大家都食到好滿足呀。
一份定食一百頭左右，份量足夠，又好食，性價比高，如果唔洗排甘耐隊就好啦！
Post
