超羣麵包西餅 (本德大廈)

Open Now

Now Closed

巴斯克芝士蛋糕 $32原來超羣都有巴斯克芝士蛋糕，見到好似有幾個芝士蛋糕剛剛出爐（時間係星期六大概12點半），就買個試試，拎上手係微微暖。返到屋企都仲係暖，即刻食。原來芝士蛋糕係超級軟心，可以用匙羮畢黎食，非常滑溜，不過就唔係厚身個d。芝士蛋糕面頭夠燶，味道好香。兩個人分黎食剛剛好。呢個價錢都ok。加$3仲有抹茶同朱古力口味巴斯克芝士蛋糕，下次可以試試。芝士蛋糕用膠盒裝好，然後仲有一個紙袋，乾净衛生。