超羣麵包西餅 (本德大廈)

Open Now

Now Closed

職員態度極差！店裏面有3個職員，3個職員同時夾攻一個客人。唔係有心處理件事情，而係要怪罪客人。我唔係需要有好好嘅服務態度，但比3個怪罪真係一個極差嘅處理方式，極難嘅體驗！真心建議，如果想係宜家嘅市道繼續生存，就培訓下職員。野食已經唔係特別好食，連體驗都唔劣，真係無需要再幫襯。

每次買奶茶都好流瀉，已經算，今次帶埋壼去，仲要俾服務員跌埋我個蓋，仲要話返我轉頭接得唔好。唔洗以後有幫襯！話說今朝打算帶埋個暖壼去買奶茶, 順便買燒賣, 入到店有一位收銀在食包中, 也無所謂, 人之常情, 另一個服務員聽到我話要奶茶, 用手勢示意將個杯俾佢, 我一手電話八達通, 一手就係攞住個半開既壼, 我就開聲麻煩佢幫我攞住個壼, 我就接住個蓋, 佢一手就將我個壼攞走, 我都未接得住個蓋就跌了, 我起初都好聲氣話: 等我攞實先嘛......個女服務員就當著店多人係度就話, 係你叫我攞住個壼既....我咪攞住囉! 佢仲要攞住我個壼轉背沖緊既時候, 仲要係度寧晒頭, 我就決定唔要, 我問佢, 你咁唔想整我唔要喇! 其實你做服務員, 仲要一句歉意都無, 講一句善意既說話都唔得! 本人是一個以和為貴既人, 但呢啲態度真係好令人氣憤!

:咁岩經開銅鑼灣，就嚟呢間好有歷史既餅店諗住買個早餐第二朝返公司食🙆🏻‍♀️本身諗住試下蛋撻但真係食得太飽就唔試啦🤣 ✨貝果 $12/件雖然就係普通冇餡嘅一個包🤣不過整返熱嚟食，又真係做到外脆內軟個效果🙆🏻‍♀️呢個配咖啡都唔錯✅有時有啲麵包店都有得賣bagel 不過有啲會做到好硬 無咁soft😎佢仲有好多唔同嘅麵包賣，除咗舊式都有好多新式既 竟然仲有巴斯克蛋糕賣💟💟如果真係經開銅鑼灣可以買個做早餐😆

路過見到muffin買一送一，咁岩又諗緊聽朝早餐，咁就二話不說入去買。$16.9一個，得兩隻味揀，咁梗係各一啦。賣相唔掂，諗住味道同口感可以搭救。第二朝叮返暖食，口感好黏，咬幾啖就吸哂我啲口水，飲啖咖啡再吞都爭啲哽死咁🙄唔鬆嘅鬆餅，好似食緊一舊膠咁。

超羣餅店一向都好出名蛋撻，突然之間超想食蛋撻，要買返幾個同朋友一齊開心share～芳叔蛋撻(1個)💰HK$9好重蛋香味，牛油皮好酥脆！買果陣嘅溫度係暖暖地，如果溫度再熱啲，會更美吃～牛乳撻(1個)💰HK$11同樣都係牛油皮，中間嘅牛乳質地嫩滑～

餅店：超羣麵包西餅地點：銅鑼灣波斯富街巴斯克芝士撻抹茶味 $13個巴斯克芝士撻簡單用一個膠袋裝住，我將個撻放係個膠盒方便食用。抹茶味比原味巴斯克芝士撻貴$1，即買即食都已經凍嗮。抹茶芝士味都可以，巴斯克味就無乜，完全無燒焦味道。撻底好似曲奇底，厚身，都算脆，餡料豐富，呢個價錢都算係咁。不過我覺得今日我另外叫個個牛乳撻比巴斯克芝士撻抹茶味更好食，可能因爲係暖暖地！有d失望......下次都係等出爐先買。

好耐無食巴斯克蛋糕，難得經過超羣，本身諗住買幾個天下第一包，點知無曬貨望下個麵包櫃，得番唔系好多的庫存，最後簡左綠茶巴斯克一試抺茶巴斯克芝士蛋糕$35$35一個幾抵食，比起而家社交平台網店售價平太多了質感幾soft ，芝士味濃厚，抹茶淡淡地幾清香

➲ 銅鑼灣 超羣麵包西餅➳ 抹茶吉士麻糬脆皮夾心菠蘿包 ⁽¹/¹⁰⁾抹茶吉士好重香精味，完全無抹茶味，鬼口水麻糬質感，菠蘿皮一買返嚟已經淋晒，Gimmick。➳ 天下第一包 ⁽⁷/¹⁰⁾返熱來食，雖然無咗流心，但係奶黃餡好好食，有流沙感，不愧係個個來都會買一個走。⤵ 超羣麵包西餅銅鑼灣波斯富街21-27號本德大廈地下D號舖

巴斯克芝士蛋糕 $32原來超羣都有巴斯克芝士蛋糕，見到好似有幾個芝士蛋糕剛剛出爐（時間係星期六大概12點半），就買個試試，拎上手係微微暖。返到屋企都仲係暖，即刻食。原來芝士蛋糕係超級軟心，可以用匙羮畢黎食，非常滑溜，不過就唔係厚身個d。芝士蛋糕面頭夠燶，味道好香。兩個人分黎食剛剛好。呢個價錢都ok。加$3仲有抹茶同朱古力口味巴斯克芝士蛋糕，下次可以試試。芝士蛋糕用膠盒裝好，然後仲有一個紙袋，乾净衛生。

上星期試過呢度既巴斯克芝士撻，覺得好好食，今日經過試試其他口味先。居然有呢個優惠，$34可任選四款口味撻，抵食呀！四個撻都有膠兜裝住拎走。牛乳撻牛乳撻大大件，撻餡飽滿，係白色，味道係濃濃牛奶味，又滑又夠香甜，正！撻底好鬆化，牛油味香。都試左椰撻，個撻漲卜卜，椰絲好豐富，味道好香，撻底都唔錯。另外兩款口味有葡撻同蛋撻。可惜今日買既時候撻唔夠熱，牛乳撻差唔多係室溫。返到屋企整熱個牛乳撻之後食物更香，不過凍食都唔算差太遠！

餅店：超羣麵包西餅地點：銅鑼灣波斯富街心思思想食甜品，去左超羣麵包西餅買左個巴斯克芝士撻，有好多其他口味。巴斯克芝士撻 $12個巴斯克芝士撻簡單用一個膠袋裝住，返到屋企仲暖。中間蛋漿同芝士漿又多又滑溜，芝士味道都唔錯，不過絕對唔係巴斯克，完全無燒焦味道。個撻底好似曲奇底，不過唔夠脆口，好彩都夠鬆化。呢個價錢都抵食呀，都好大個。下次可以試試其他口味。平日大概5、6點都有暖撻賣，唔知平時出爐時間係點。

🍴店舖：超羣麵包西餅 (本德大廈)📍地址：銅鑼灣波斯富街21-27號本德大廈地下D號舖好多年冇幫襯過超羣餅店，以前出名好食，今日同阿女行過，見到蛋糕仔好吸引，佢攞起話要食，所以買咗十八蚊一盒老實講真係唔好食😅好甜同埋好碎，一咬就散太乾，唔怪得知越嚟越多分店結業，可能我已經係夜晚七點，所以已經冇無咩麵包買見到海報上面有好多新奇嘅麵包，但口味感覺都好似未咁易接受，有啲獨特口味嘅菠蘿包我覺得保留返以前傳統嘅西餅會比較好

上次經過見佢個菠蘿包賣晒今朝見到仲有就買咗朱古力味嚟試下另外仲有抹茶味，$12 唔算貴 覺得朱古力餡好多，麻糬可以再多啲 ，菠蘿皮唔夠脆 焗返熱應該會好食好多🌟CP值:🌟🌟🌟👩🏻回頭指數：👩🏻👩🏻👩🏻📸打卡比分：📸📸📸

超群餅店(銅鑼灣)超群餅店(銅鑼灣)(3.5/5分)牛油皮蛋撻+葡撻話說不嬲都好鍾意食牛油皮蛋撻，食咗幾次超群餅店既牛油皮蛋撻都覺得唔錯，印象中比較突出厚身啲嘅牛油皮 蛋唔會太甜反而酥皮葡撻就相對會比較甜啲

今日剛在波斯富街分店買左芳叔蛋撻一打，很差，把蛋撻入定紙合，客人無得查看質素，果然攊到回家一看，蛋撻又燶又老，同埋啲蛋漿起哂泡，見到都唔開胃，好唔得好失望！今次係最差嘅一次！呢間分店買過四五次，初初一兩次好好的，太子嗰間都好靚，家人大讃，但上次光顧，已經質素下降不少，好多件蛋撻都燶咗，怎料改有最差，只有更差，今次仲要老到死，起哂泡，入哂合令客人無得睇，實有欺騙客人之嫌，經過今次，真係唔敢再買佢哋嗰啲芳叔蛋撻！