Video
Read full review
2023-08-24
2877 views
How To Live Well? 店名直接帶出一個問題 畀客人深思 餐廳採木系裝潢 以綠色植物襯托🌴滿滿嘅咖啡香氣撲鼻而來 到處散發著文青氣息 門口一區嘅梳化區同矮檯令人感覺放鬆而角落嘅窗邊位可以望住街景進食 感覺特別寫意喜歡漫活感覺嘅人應該會幾鐘意呢度******************************食物s:🍄磨菇忌廉湯 ($38)是晚由一碗暖暖笠笠嘅餐湯開始湯中有好多蘑菇粒 蘑菇香味突出配一份香草牛油餐包 一浸一咬 好有儀式感🌿菠菜雜菌青醬扁意粉 ($158)材料頗為豐富 除咗有蘑菇、雞髀菇等多種菇類外更有菠菜同松子仁 令整體香氣更為提昇❣️扁意粉煮得恰好 口感煙韌又掛汁入口有好重嘅香草同埋橄欖油香味 🐖慢煮四元屯肉.薯茸.肉桂蘋果醬 ($198)豬肉好厚身 咬落好有口感😋肉肉炆得夠淋 同跟配嘅蘑菇汁好夾 配肉桂蘋果醬 食落酸酸甜甜咁 兼帶有肉桂香氣除咗豐富味覺外 更可以去除肉肉嘅油膩感覺而配菜薯蓉焗得香濃 質感幼滑🍰巴斯克流心芝士蛋糕,配雜莓汁及朱古力慕絲 ($88)蛋糕配襯草莓醬酸酸甜甜咁 可以中和芝士嘅膩感 蛋糕嘅質感好軟熟 呈半熟狀態 芝士味香濃 批邊有微微烘過嘅
店名直接帶出一個問題 畀客人深思
餐廳採木系裝潢 以綠色植物襯托🌴
滿滿嘅咖啡香氣撲鼻而來 到處散發著文青氣息
門口一區嘅梳化區同矮檯令人感覺放鬆
而角落嘅窗邊位可以望住街景進食 感覺特別寫意
喜歡漫活感覺嘅人應該會幾鐘意呢度
******************************
食物s:
🍄磨菇忌廉湯 ($38)
是晚由一碗暖暖笠笠嘅餐湯開始
湯中有好多蘑菇粒 蘑菇香味突出
配一份香草牛油餐包 一浸一咬 好有儀式感
🌿菠菜雜菌青醬扁意粉 ($158)
材料頗為豐富 除咗有蘑菇、雞髀菇等多種菇類外
更有菠菜同松子仁 令整體香氣更為提昇❣️
扁意粉煮得恰好 口感煙韌又掛汁
入口有好重嘅香草同埋橄欖油香味
🐖慢煮四元屯肉.薯茸.肉桂蘋果醬 ($198)
豬肉好厚身 咬落好有口感😋
肉肉炆得夠淋 同跟配嘅蘑菇汁好夾
配肉桂蘋果醬 食落酸酸甜甜咁 兼帶有肉桂香氣
除咗豐富味覺外 更可以去除肉肉嘅油膩感覺
而配菜薯蓉焗得香濃 質感幼滑
🍰巴斯克流心芝士蛋糕,配雜莓汁及朱古力慕絲 ($88)
蛋糕配襯草莓醬酸酸甜甜咁 可以中和芝士嘅膩感
蛋糕嘅質感好軟熟 呈半熟狀態
芝士味香濃 批邊有微微烘過嘅焦香感
而朱古力mousse 嘅朱古力味香濃 質素軟滑
仲有多種草莓🍓同藍莓🫐伴碟 顏值吸引
13 views
0 likes
0 comments
🧊Melting Ice ($68)
飲品中有條 yogurt雪條 非常特別❣️
配上葡萄烏龍茶底同鮮甜橙汁
成個感覺酸酸地甜甜地咁 特別適合夏天飲
🌿Fruit-a-dicious ($68)
葡萄烏龍茶加上薄荷同士多啤梨嘅組合
入口感覺好清新 有淡淡嘅薄荷香氣
🫖喬麥茶 ($68)
港女最愛 以一Pot養生熱茶 配搭甜品一齊食
🍹Passion Bloom ($58)
熱情果梳打 酸味突出 非常醒胃
******************************
小結：
ʟɪғᴇ ɪs ᴀʙᴏᴜᴛ ᴛʜᴇ ᴇᴠᴇʀʏᴅᴀʏ ᴇxᴘᴇʀɪᴇɴᴄᴇ
除餐飲區外 更有販賣各式精心製作嘅生活用品同時裝
比客人可以一條龍式去感受生活中嘅每一個時刻
整體環境舒適 適合同好友聚會傾計
Chill住咁過一個悠閒假日呢～
Post
