Video
Read full review
2023-02-14
77 views
🌟餐廳：鮨政 x 大湖📍地址：銅鑼灣京士頓街9號Fashion Walk地下H2B號舖💰價位：～$800⏰營業時間：星期一至日12:00 - 21:00📱電話：3108 2191廚師發辦既日本餐廳近年係香港越開越多，標榜住Omakase旗號，定價當然相對較高～有冇諗過可以用超親民既價錢享受超高CP 值既正宗日本Omakase料理＋優質清酒？係咪好吸引呢！！今晚朋友就帶我試呢間位於銅鑼灣全新開業既Omakase餐廳 - 「鮨政 x 大湖清酒」，餐廳係由超過10年經驗及曾遠赴日本築地任職Omakase料理廚師既年輕主廚 - 政師傅主理！特別一提，呢間「鮨政 x 大湖清酒」另一個特色就係聯乘有350年歷史既大湖清酒，始於1672年，於日本伊吹山下誕生，透過滋賀縣傳統手工既釀酒工藝，嚴謹細緻釀制出高品質手工清酒！其中大湖特別純米酒更連續多年獲得倫敦清酒比賽既最高榮譽(白金獎)，米甘味持久，口感醇厚，重點係定價非常親民，與「鮨政」理念相當吻合，故此聯乘合作打造呢一間「鮨政 x 大湖清酒」！餐牌中最便宜既廚師發辦八貫壽司定食只需HK$198，價錢定位真係超親民！！而我地今晚就揀咗最矜貴個款HK$4
📍地址：銅鑼灣京士頓街9號Fashion Walk地下H2B號舖
💰價位：～$800
⏰營業時間：星期一至日12:00 - 21:00
📱電話：3108 2191
廚師發辦既日本餐廳近年係香港越開越多，標榜住Omakase旗號，定價當然相對較高～有冇諗過可以用超親民既價錢享受超高CP 值既正宗日本Omakase料理＋優質清酒？係咪好吸引呢！！
今晚朋友就帶我試呢間位於銅鑼灣全新開業既Omakase餐廳 - 「鮨政 x 大湖清酒」，餐廳係由超過10年經驗及曾遠赴日本築地任職Omakase料理廚師既年輕主廚 - 政師傅主理！
特別一提，呢間「鮨政 x 大湖清酒」另一個特色就係聯乘有350年歷史既大湖清酒，始於1672年，於日本伊吹山下誕生，透過滋賀縣傳統手工既釀酒工藝，嚴謹細緻釀制出高品質手工清酒！其中大湖特別純米酒更連續多年獲得倫敦清酒比賽既最高榮譽(白金獎)，米甘味持久，口感醇厚，重點係定價非常親民，與「鮨政」理念相當吻合，故此聯乘合作打造呢一間「鮨政 x 大湖清酒」！
餐牌中最便宜既廚師發辦八貫壽司定食只需HK$198，價錢定位真係超親民！！而我地今晚就揀咗最矜貴個款HK$498 Omakase 套餐 及 HK$298 清酒配餐，今晚仲有幸獲政師傅SERVE，SO NICE～
🌟HK$498 Omakase 套餐🌟 + 🍶HK$298 清酒配餐🍶
Omakase 套餐有齊前菜、刺身、烤物、壽司、湯品、甜品，真係超豐富超滿足！
🔹水雲醋物🔹茶碗蒸
🔹磯煮鮑魚
🔹甘鯛立鱗燒
🔹刺身三款 (八爪魚、赤蝦及吞拿魚中拖羅)
🍶清酒: 大湖大吟釀
💟師父以精緻巧手既日式前菜揭開序幕～擺盤賣相好吸晴，食材新鮮，我最鍾意磯煮鮑魚同甘鯛立鱗燒！
❇️磯煮鮑魚，師父即席以煙燻燻製，儀式感十足！夠哂入味之餘，口感亦好爽彈，相當出色～
❇️甘鯛立鱗燒，製作過程非常講求油溫控制，絕對係心機菜式！魚鱗夠酥脆，魚肉滑順而保持鮮嫩及魚油香氣！
🍶餐廳安排左大湖大吟釀配合呢幾款前菜，入口比較清爽而唔會太濃郁，保留淡淡清香既米味，岩哂用黎搭配前菜～
🔹深海池魚壽司🔹甜蝦壽司
🔹真鯛壽司
🔹文甲魷魚壽司
🍶大湖純米大吟釀
💟手握壽司更能突顯師傅精湛既江戶前料理技術！
我地先品嚐味道比較清新既魚類，特別鍾意佢地既真鯛壽司，味道清淡優雅，肉質鮮甜富有彈性，必試！！
🍶餐廳今次安排左大湖純米大吟釀配合呢幾款壽司，入口同樣地比較清爽，酒味唔會太濃，搭配白身魚超夾啊～
🔹鰤魚壽司
🔹灸燒右口魚邊壽司
🔹穴子壽司
🍶大湖特別純米酒
💟開始進入我最鍾意既環節～魚脂味豐富既魚係我既最愛！
超鍾意佢地既灸燒右口魚邊壽司，經火灸後滲出魚油，香氣撲鼻，入口即溶好滿足～
🍶餐廳就提供左大湖特別純米酒呢支得獎既清酒配餐～不愧為得獎作品，入口味道夠哂香濃醇厚，仲帶點清甜，好夾用黎配搭魚油味充足既魚肉！！
🔹飄雪紅酒鵝肝吞拿魚大拖羅壽司🍶大湖特別純米酒 （生原酒）
💟餐廳另一主打既菜式～本以為會以一個吞拿魚大拖羅壽司作結，師父隨即拎出一件經紅酒漬制既鵝肝，刨出一絲絲鵝肝碎灑上壽司，好浪漫既飄雪效果，令人驚艷！！絕對係打卡位！！濃濃油香既鵝肝搭配吞拿魚大拖羅呢一個組合，夠晒邪惡，入口每一啖都係濃濃嘅油脂味，超正，大推！！
🍶餐廳更特別安排左大湖特別純米酒 （生原酒），入口更米香味比之前幾款更濃郁及厚身，用黎配呢一個油香味爆登既壽司，簡直係絕配～
🔹三色杯 （海膽、拖羅蓉及三文魚籽）
🔹湯物
🍶大湖 本釀造
💟呢款三色杯賣相及製作方法夠哂精緻，打卡一流～師傅將厚厚既海膽、拖羅蓉及三文魚籽逐層鋪上，視覺效果100分，海膽及拖羅蓉入口夠哂甘香鮮甜又綿滑，加埋三文魚籽，口感一流，好滿足！
🍶餐廳就提供大湖 本釀造搭配呢款三色杯，口感順滑香醇，仲帶點餘韻添啊～
🔹飛雪鵝肝芝士豆腐🍶大湖 梅酒
💟最後當然係我最期待既甜品時間啦haha！師傅奉上自家製作芝士手工豆腐，入口夠哂香滑及綿密，上層再加上紅酒鵝肝碎，口感更加滑順，味道更加香濃，超正！！真係諗起又想再食！！
🍶餐廳最後安排左大湖 梅酒作結搭配呢款甜品，梅酒清新帶點微酸，解膩一流，口感順滑香醇，為呢一餐豐富既料理劃上一個完美既句號！
———————————————————😋味道：4.5/5
🏢環境：4.5/5
💁🏻♀️服務：4.5/5
💵價錢：4.5/5
🤟🏻性價比：4.5/5
———————————————————
👅整體小總結
Omakase食材新鮮且品質上乘，而且主打江戶前omakase ，價錢定價同CP值均極高！！
另一個亮點就係呢度既清酒配餐同樣好出色，價錢親民之餘仲搭配咁多款清酒去品嘗每一道Omakase 料理，好味之餘又學到品酒技術，大推！
每次食Omakase，其中一個享受地方就係同師傅既互動交流，年輕既政師傅風趣幽默，仲會同客人詳細地講解每一種食材及來源，態度超nice 而且笑容滿面，夠哂親切，大推呢一間新晉Omakase店！
如果大家都想黎歎返個咁高質既omakase就記得要先致電預約呀！
Post
