蕾

Open Now

Now Closed

今日難得同朋友搵個地方chill chill地食下野，黎到旺角呢間蕾，果然係味蕾享受既好地方。 地方好坐，最啱傾計，而且串燒真係煮理得好有心思，店員亦會好sake推介，全晚都係一個享受。坐底我地就簡左呢支春鹿鬼斬，入口香甜，配串燒一流。 前菜既酒盜芝士，係cream cheese 配吞拿魚醬，有啲重口味但佢地異常地夾，再同清酒一齊飲，真係好正。燒冬菇同翠玉瓜燒得香濃之餘仲keep到好多汁水，一啲都唔乾。 而燒雞腎同雞胸軟骨都係好正既送酒菜，特別係雞胸軟骨，好少有之外亦處理得好好味，因本應係冇咩味道既軟骨，呢度就食到佢既鹽香味。仲有好正既燒白鱔，可以咁厚身既鱔肉燒得咁脆嫩爽口，真係好難得。而佢既燒飯糰都要讚下，竟然燒到有飯焦面真係好犀利。 有咁好既清酒，串燒，仲要咁好坐既地方真係好難得，下次要同朋友再黎過。