Video
Read full review
2021-06-06
653 views
喱日有食神跟老婆大人出去同朋友仔食咗餐超豐富嘅晏仔，我哋約咗去上環喱間208 Duecento Otto，成日揸車經過黃昏時見著晒燈好鬼靚，喱日終於有機會嚟試試喇！門面好有氣派中午都感覺到好正，做好晒防疫措施後由意大利型仔帶我哋期間經過酒吧沿粗獷嘅樓梯去到樓上。上到一樓另有一番味道深長嘅空間兩旁排關座位乾淨俐落，我哋仲好好彩可以座喺窗邊有日光嘅座位，鍾意相機食先嘅老婆大人開心到飛起。午市兩道菜套餐＄268、三道菜套餐＄298睇自己胃口揀啦！我喱個過氣黒洞爛船都仲有三斤釘嘅一於叫三道菜拍心口包底。首先佛卡夏麵包有清爽嘅味道質地仲好鬆軟，點的橄欖油同黒醋食好正斗。前菜有四樣揀餐湯係黑松露紅蘿蔔湯，好香好甜仲好厚身我飲咗一碗半呀！老婆大人就醒過鬼分多半碗比我！！水牛芝士車厘茄羅勒沙律佢鬼咁鍾意就要佢食多件芝士啦！喂啲車厘茄好多汁超好味原來餐廳用料多數係意大貨，唔怪之得咁鬼好味道啦！！因為老婆大人唔食牛我就梗係要爆食喱碟生牛肉薄片配克里諾羊奶芝士及蠶豆，但又要讚吓個份量大到呢！味道唔會好似外面嗰啲咁重醃料味，反而只用羶香嘅羊奶芝士同清甜蠶豆吊味，咁我就食到滑嘟嘟嘅澳洲生牛肉嘅原味喇。鍾意食香口
門面好有氣派中午都感覺到好正，做好晒防疫措施後由意大利型仔帶我哋期間經過酒吧沿粗獷嘅樓梯去到樓上。
上到一樓另有一番味道深長嘅空間兩旁排關座位乾淨俐落，我哋仲好好彩可以座喺窗邊有日光嘅座位，鍾意相機食先嘅老婆大人開心到飛起。
午市兩道菜套餐＄268、三道菜套餐＄298睇自己胃口揀啦！我喱個過氣黒洞爛船都仲有三斤釘嘅一於叫三道菜拍心口包底。
首先佛卡夏麵包有清爽嘅味道質地仲好鬆軟，點的橄欖油同黒醋食好正斗。
前菜有四樣揀餐湯係黑松露紅蘿蔔湯，好香好甜仲好厚身我飲咗一碗半呀！老婆大人就醒過鬼分多半碗比我！！
水牛芝士車厘茄羅勒沙律佢鬼咁鍾意就要佢食多件芝士啦！喂啲車厘茄好多汁超好味原來餐廳用料多數係意大貨，唔怪之得咁鬼好味道啦！！
因為老婆大人唔食牛我就梗係要爆食喱碟生牛肉薄片配克里諾羊奶芝士及蠶豆，但又要讚吓個份量大到呢！味道唔會好似外面嗰啲咁重醃料味，反而只用羶香嘅羊奶芝士同清甜蠶豆吊味，咁我就食到滑嘟嘟嘅澳洲生牛肉嘅原味喇。
鍾意食香口嘢一定要叫喱個意式酥炸魷魚配有機檸檬，魷魚炸得又薄又脆唔鎅口，冇多嚿魚嘅調味加小小有機檸檬汁食好鮮味。
幾個前菜都正到食我平時唔太like嘅意粉！我哋試咗扭紋意粉配蕃茄、香蒜及黑橄欖、盧根尼卡香腸西芹短意粉同埋蜆肉車厘茄扁意粉(另加＄18)，估唔到又幾鬼好食有啲驚喜喎！
一見到喱個盧根尼卡香腸西芹短意粉我就諗起細時遊樂場入面嗰啲石屎伏喱喱，我就喺道將佢神還原咗！老婆大人見到即刻興奮到變番細路女呢！短意粉咬口係三個之中最好加埋咸咸香香冇衣嘅香腸食唔錯架！
扭紋意粉配蕃茄香蒜及黑橄欖真唔係我杯茶！唔係唔好食只係我唔like橄欖啫，不過喱隻扭紋意粉嘅質地係我最鍾意所以都有幫襯。
講到好味就一定係喱碟蜆肉車厘茄扁意粉，睇落平平無奇咩原來入面原來好鬼死鮮味，肥嘟嘟嘅青口好新鮮扁意粉吸晒佢嘅精華超好食。
食完意粉仲有主菜呀！唔使間阿貴我梗係揀牛肉食啦，喱日有個烤腹脇肉牛扒配小洋蔥及意大利黑醋醬我梗係唔放過佢啦。
烤腹脇肉牛扒睇落好油潤食落真係正喎！牛肉質地係柔軟嘅加上幾夠肉味我係like嘅。
除咗牛扒另外有意式烤春雞配彩椒(要另加＄18)，可愛嘅小春雞味道好香濃唔錯唔錯。
最後仲有老婆大人揀嘅鯛魚配蘆筍車厘茄沙律，蘆筍好清甜鯛魚煎到香香但又唔鞋口，好鍾意喱道個廚唔會用到重調味，令到我哋食到新鮮食材嘅原味道真係好用心。
女仕們想食甜品OK加＄38就有一份一於要晒喱日兩樣甜品啦！第一款係經典意式芝士蛋糕，好香咖啡味蛋糕又夠濕潤我都幾like。
不過我更加鍾意食喱個雜莓雪葩，又滑又香嘅雪葩食完真係有如沐春風嘅感覺。
208 Duecento Otto
地址:上環荷李活道208號地舖
電話:25490208
Post
