Video
Read full review
2024-07-12
959 views
放假下午一於獎勵吓自己食返餐好，於是我嚟到旺角雲集最多放題餐廳嘅商場，就係兆萬商場，試一試依間神戶屋日韓放題，星期六午膳309一位😆款式非常之多，刺身應有盡有，而且燒烤類亦都有好多款，最特別嘅係可以升級品嚐一啲高級海鮮款式，例如即開生蠔、海膽壽司、長腳蟹等等，因為我有一位朋友不太喜歡食這些海鮮，所以亦可以按份量加錢嚟食，而我因為係好鍾意食生蠔，所以決定加半打，鮑魚、海膽壽司以及長腳蟹😆🍱刺身方面一開頭叫咗勁多款，成隻船咁上台真係非常之豪華以及宏偉😆😆生蠔每一隻都非常甜美，而且肥美，長腳蟹都好大隻，有海水嘅鮮味，鮑魚亦都非常之大隻，咬落去亦好煙靭，另外亦有其他好多款選擇嘅刺身，例如赤背、北寄貝，肥美三文魚、帶子、生蝦等等，總之所有刺身都係非常之新鮮而且甜美，而且上菜嘅時候亦絕不吝嗇，非常厚切以及闊佬地俾我哋食😆😆🍲熟食方面亦都包羅萬有，包括平時少見嘅都有，例如豬仔髀、扇貝蒸海鮮、清酒煮花甲、牛油煮金菇、湯類亦有人蔘雞湯和麵豉湯，最值得稱讚嘅係麻辣小龍蝦，食落去真係津津有味，辣到唔會太辣，但每一嚿都非常入味🤤🤤🍗燒物方面，有燒羊架、牛舌、雞軟骨、最特別嘅竟然有燒雞皮，整得非常之脆口，所有食
🍱刺身方面一開頭叫咗勁多款，成隻船咁上台真係非常之豪華以及宏偉😆😆生蠔每一隻都非常甜美，而且肥美，長腳蟹都好大隻，有海水嘅鮮味，鮑魚亦都非常之大隻，咬落去亦好煙靭，另外亦有其他好多款選擇嘅刺身，例如赤背、北寄貝，肥美三文魚、帶子、生蝦等等，總之所有刺身都係非常之新鮮而且甜美，而且上菜嘅時候亦絕不吝嗇，非常厚切以及闊佬地俾我哋食😆😆
🍲熟食方面亦都包羅萬有，包括平時少見嘅都有，例如豬仔髀、扇貝蒸海鮮、清酒煮花甲、牛油煮金菇、湯類亦有人蔘雞湯和麵豉湯，最值得稱讚嘅係麻辣小龍蝦，食落去真係津津有味，辣到唔會太辣，但每一嚿都非常入味🤤🤤
🍗燒物方面，有燒羊架、牛舌、雞軟骨、最特別嘅竟然有燒雞皮，整得非常之脆口，所有食物都即叫即整熱辣辣非常香口
🍤炸物方面亦有好多款，包括芝士年糕、炸鮮奶、多春魚，各式各樣嘅天婦羅以及有唔同味道嘅韓式炸雞可以供選擇
🥘此外除咗普通放題食物之外，亦可以喺度邊爐，不少邊爐嘅配菜可以選擇，而且湯底亦可以選擇普通沙嗲湯底、壽喜燒、亦可以叫海鮮蒸鍋，非常多款
🫙飲品方面亦有各式各樣嘅包裝飲品罐裝飲品，而甜品亦有布甸蛋糕以及各式各樣嘅雪條
總括而言，依間放題店都非常之多食物選擇，而且所有食物都好新鮮即叫即整，而且唔會叫完唔嚟，又係比足夠嘅份量更加滿足，真係一間高質嘅放題餐廳🤤🤤
Post
