昼月

Open Now

Now Closed

平時食omakase一餐閒閒地都千幾二千蚊一位，呢度只要六百幾就食到，而且絕對冇將貨就價。海膽、拖羅、金目鯛等等貴價食材都有，非常抵食🍢前菜茄子漬、小松菜漬、海膽豆腐三款前菜已經為我嘅味蕾帶黎驚喜。茄子漬醃得入味，口感軟糯；小松菜漬爽脆清新，配上海膽豆腐嘅滑溜鮮甜，口感豐富。🦪岩手縣氣仙町生蠔生蠔嘅海水味真係好濃郁，鮮甜得嚟又帶少少鹹味🐚赤貝爽口彈牙，口感十足。🐟間八鮮甜既間八魚卷住清爽既法蔥，再配上酸汁啫喱嘅清新，口感層次豐富。🦐赤蝦、海膽魷魚赤蝦甜美鮮嫩，爽口既魷魚同鮮甜既海膽妹爽，岩鹽調味恰到好處。🐠炙燒中拖羅炙燒過嘅中拖羅，油脂分佈均勻，入口即溶，濃郁嘅油脂香氣喺口中蔓延，配埋蛋黃醬油同山葵漬，鹹甜交織，層次豐富。🍣帆立貝帆立貝本身已經好鮮甜，竹炭鹽既鹹味令鮮味更上一層樓 🍣劍魚魚燒過既劍魚令油脂更加豐富，三星漬嘅味道令到整體味道更上一層樓。🍣蜜柑鯛蜜柑鯛嘅肉質細嫩，帶有微微蜜柑既甜味。🍣金目鯛金目鯛嘅油潤配上炸魚鱗嘅酥脆，令口感更豐富。🍣深海池魚深海池魚嘅肥配上柚子胡椒少少既辣味，味道非常獨特。🍣厚岸縣海膽見師傅一羹又一羹海膽好似唔使錢咁車落件壽司度。成口充滿住海膽既鮮甜，已