La Kaffa (Closed)

對於烏溪沙既印象我已經停留係兒時宿營度假村記憶，估唔到而家住宅林立，同印象中相差太遠，呢度變得非常時尚。迎海中la kaffa景觀唔錯，望向小公園，食lunch時對住咁優閒景緻，心境亦特別歡愉。由於都有啲肚餓，我都想食飽啲，又想食下牛扒，於是叫左呢個爵士沙朗早餐 。呢個all day breakfast份量相當驚人😲有兩塊超大既扒，仲要兩塊都咁上下大~ 至於多士有成3塊咁多，我未食過有咁多塊既全日早餐，就咁齋食已經好飽☻另外仲有薯餅，炒滑蛋，沙律，蘑菇，加加埋埋連我呢個大食女都話幾飽。牛扒稍稍over cook左，有啲乾身，冇咩肉質鮮嫩感，滑蛋亦唔算好滑溜。薯餅係眾多中最好味，夠哂香脆，沙律菜，蘑菇亦夠新鮮 。如果牛扒好好控制火喉，成餐味道我都會比高分啲~ 隨餐附送冷或熱茉莉綠茶一杯。