糧友パン工房 (Closed)

經過一田，聞到好香嘅麵包味，原來有新鮮麵包出爐。咁啱聽日係公眾假期，可以要買定早餐。糧友工房係用日本入口嘅酵母培養器自行培養天然酵母，而且大部分食材係由日本直送。麵包就用傳統石窯烘培技術及湯種法製作。 所以夾起麵包時， 已經感受到包身的軟熟。月島軟心芝士餃子$12 - 芝士餡份量算幾多，啖啖都係芝士，咬落味道似笑x牌芝士，麵包好軟熟，餃子外型嘅麵包，十分吸引。特濃朱古力餃子 $20/2個 - 新鮮出爐的麵包，店員大大聲叫賣$20/2個 (原價$12/個)，平左成$4，本住C奶嘅心態，買左黎試下。同樣餃子外型嘅麵包，包內轉成朱古力餡，份量同樣算幾多，啖啖都係朱古力，朱古力味濃亦唔會太甜。紫薯一丁目 $12 - 紫薯顏色相當吸引，紫薯控嘅我立即買番個試。入面紫薯餡是用真材實料做的，因咬落仲有一小粒一小粒紫薯，口感十分豐富，是真正的紫薯味道。唯一可惜的是呢個紫薯唔甜。