Video
Read full review
2017-01-26
198 views
同好耐冇見嘅Piglet食晏，食完要去中環食綠茶甜品，咁晏晝當然唔可以食太多，最後揀咗呢間賣好多款酒嘅吧。呢間餐廳位於電氣道一棟大廈入面，道閘係鎖咗㗎喎，好彩地今日佢開咗門，所以我可以就咁行上嚟，但睇嚟平時都要㩒門鐘先開到門了。雖然大街上有啲牌，但始終都係比較難啲搵，但唔熟呢頭嘅就真係有啲難度。上到嚟，係一間酒吧，但唔似係傳統嗰啲酒吧喎，牆上面畫滿公仔嘅？！細問之下，原來係中學生畫㗎喎，有趣！lunch set定價又幾合理喎，又有來自多個國家超過200款啤酒，除此之外仲有比較特別嘅生啤，其中兩隻都係佢哋自家制，好想帶啲朋友嚟試晒咁多隻呀！椰子黑啤 ($60)椰子味好濃郁，帶點麥芽嘅甘醇清香，但如果頂層多返啲泡咁就完美喇！老闆娘呵好好人嘅，但我哋掛住傾計，飲完先記得咦好似冇乜泡咁嘅？！Peach Punch ($55)由桃、檸檬汁、紅莓汁溝成嘅mocktail，舊桃似係一舊桃雪，先篤開佢之後就會慢慢滲入飲品裡面，但桃汁嘅濃郁味道蓋過咗另外兩款，層次冇咁突出，但我好鍾意桃汁，所以整體嚟講係解渴好飲！洋蔥湯好耐冇飲過咁足料嘅洋蔥湯！差不多啖啖都係條狀洋蔥多過湯，香甜到不得了，正正正！香蒜欖油
椰子黑啤 ($60)椰子味好濃郁，帶點麥芽嘅甘醇清香，但如果頂層多返啲泡咁就完美喇！老闆娘呵好好人嘅，但我哋掛住傾計，飲完先記得咦好似冇乜泡咁嘅？！
Peach Punch ($55)由桃、檸檬汁、紅莓汁溝成嘅mocktail，舊桃似係一舊桃雪，先篤開佢之後就會慢慢滲入飲品裡面，但桃汁嘅濃郁味道蓋過咗另外兩款，層次冇咁突出，但我好鍾意桃汁，所以整體嚟講係解渴好飲！
Peach punch
$55
13 views
0 likes
0 comments
好耐冇飲過咁足料嘅洋蔥湯！差不多啖啖都係條狀洋蔥多過湯，香甜到不得了，正正正！
洋蔥湯
11 views
0 likes
0 comments
洋蔥湯
7 views
0 likes
0 comments
叫咗呢個傳統意大利菜，當然叫咗多蒜多蒜啦，濃烈嘅蒜香加上辣椒乾及香草嘅香味，十分惹味，完完全全刺激味蕾，愈食愈想食！但如果蒜可以再重手啲，咁就完美喇！
香蒜欖油炒扁意粉
$58
9 views
0 likes
0 comments
平時我唔鍾意食雞胸嘅，覺得佢好嚡口，但Piglet話搖試吓低溫慢煮喎，咪叫個試吓啦！雞胸唔太厚，口感非常軟腍滑溜，仲啖啖都咁juicy，食完都唔似係雞胸，真係誇張！似乎芝士落得重手咗，啲意粉有啲奶粉嘅味道，好搞笑，如果茄汁再重手啲咁就更加好啦！
低溫慢煮雞胸茄汁意大利粉
$62
9 views
0 likes
0 comments
Post
