魔膳廚房 (Closed)

已經係第二次嚟到魔膳廚房，呢度新推出左午市嘅自助餐，款式多籮籮，淨係熱食都有15款，而且仲有沙律吧同埋麵包可以選擇，最後仲有每人一杯嘢飲添。食咗個日式炒烏冬烏冬炒得好香而且色澤均勻，有少少洋蔥作伴，惹味非常。令我食咗泰式魚餅，唔使點甜酸醬都好入味，夠晒彈牙！用來做小食送嘢飲就最好不過。仲有個牛頰肉配小紅蘿蔔，平時成日食牛尾，都比較少食到呢啲據骨膠原而且非常腍嘅牛臉，每件大小適中。令我最估唔到呢度有菠蘿炒飯，大大粒菠蘿配埋咖喱黃色嘅米飯。估唔到呢度都可以食任食瑞士雞翼，仲有雞扒食添，熱辣辣！瑞士汁唔會太杰身，好入味，雞翼肉白有咬口又夠大隻，當然仲可以送白飯啦。嘢飲方面有啲特飲需要加錢，但係都只係加$3，我叫咗水果紅茶芒果士多啤梨，水果茶包好香甜，熱杯載着紅茶，賞心悅目，最適合同朋友一齊慢慢嘆。