Video
Read full review
2024-04-02
35 views
好耐冇食過hightea啦, 仲要係日式既hightea更加未食過。搵到哩間係尖沙咀北京道1號新開一年既日式餐廳。見佢既hightea set賣相好靚，打卡一流。😋花樂熱氣球~天空之森 (二人下午茶套餐) $588 嘩, 個熱氣球籠裝飾得好靚呀! 仲要另外有一個幾層既玻璃首飾盒放甜品，仲有一個小碟放咸點。真係好豐富呀!熱氣球:時令海膽, 拖羅, 油甘魚, 甜蝦 巴馬火腿芝士卷, 忌廉芝士鰻魚卷火炙粟米沙律, 吞拿魚蓉蟹肉最中餅磯之雪雜錦魚生卷日式刺身好鮮甜，每款一件淺嚐多好。2款芝士卷個靈魂係粒芝士，確實係好好味既芝士，好香濃芝士味。粟米2小塊燒過表面，好有脆香味，粟米本身都好甜。吞拿魚蓉配上小撻仔，味道好夾。有2款魚生卷，都好特別。咸點:三文魚, 日式炸蟹鉗, 鱈魚乾三文魚刺身好肥美，好大件。炸蟹鉗都炸得剛剛好，同埋有鮮蟹魚味，肉質爽口。哩個鱈魚乾有心思地有焗過，所以有少少脆，配上日式沙律醬，好好味。送酒一流。甜品:櫻花水信玄餅, 日本和菓子, 日本蛋捲, 芝士蛋糕, 時令水果櫻花水信玄餅好靚，透明啫喱中有朵食用花，配上少少糖醬，又好夾。有少少花香味道，口感好得意。幾粒不同款式既日
😋花樂熱氣球~天空之森 (二人下午茶套餐) $588
嘩, 個熱氣球籠裝飾得好靚呀! 仲要另外有一個幾層既玻璃首飾盒放甜品，仲有一個小碟放咸點。真係好豐富呀!
熱氣球:
時令海膽, 拖羅, 油甘魚, 甜蝦
巴馬火腿芝士卷, 忌廉芝士鰻魚卷
火炙粟米沙律, 吞拿魚蓉蟹肉最中餅
磯之雪雜錦魚生卷
日式刺身好鮮甜，每款一件淺嚐多好。2款芝士卷個靈魂係粒芝士，確實係好好味既芝士，好香濃芝士味。
粟米2小塊燒過表面，好有脆香味，粟米本身都好甜。吞拿魚蓉配上小撻仔，味道好夾。有2款魚生卷，都好特別。
咸點:
三文魚, 日式炸蟹鉗, 鱈魚乾
三文魚刺身好肥美，好大件。炸蟹鉗都炸得剛剛好，同埋有鮮蟹魚味，肉質爽口。哩個鱈魚乾有心思地有焗過，所以有少少脆，配上日式沙律醬，好好味。送酒一流。
甜品:
櫻花水信玄餅, 日本和菓子, 日本蛋捲, 芝士蛋糕, 時令水果
櫻花水信玄餅好靚，透明啫喱中有朵食用花，配上少少糖醬，又好夾。有少少花香味道，口感好得意。幾粒不同款式既日本和菓子不會太甜，煙煙韌韌好好食。
蛋捲都好鬆軟，芝士蛋糕好香芝士味，兩款都不會太甜剛剛好。今日時令水果係，新鮮香甜哈密瓜,士多啤梨同香印提子。
果茶 (2人享用):
我地揀左藍莓花茶，一壼2人享用都好足夠，好香藍莓果香茶味，如果唔夠甜可以落少少蜜糖。不過我鍾意原汁原味，好清香。
環境同服務都好好，最重要係打卡位好多，又有靚景睇。只係個hightea set都有排打卡，日式刺身加埋咸甜點，感覺好不一樣。
哩度仲有個優惠好吸引， 2小時任飲清酒,紅酒, 白酒，好岩一班朋友放工後黎傾計飲酒，每位都係 $188 。下次要約朋友黎試下先。
⭐️⭐️⭐️⭐️⭐️（5星為滿）
花楽 (北京道1號) (尖沙咀)
尖沙咀北京道1號8樓801室
飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #西式餐廳 #香港特色餐廳推介 #吃貨 #尖沙咀美食 #打卡餐廳 #三文魚 #閨蜜 #花茶 #yummy #hongkong #hongkongfoodie #hkfoodie #hkfoodblogger #dinner #lunch #brunch #bar #MAPHK2021 #afternoonteaset #hightea
2 views
0 likes
0 comments
Post
