Video
Read full review
2023-08-07
249 views
朋友好鍾意食越南野🇻🇳，我就一般嘅，不過食完呢間真係好有驚喜😍呢道係半自助式嘅，QR code落單，自己拎餐具、汁，有是拉差辣椒醬同檸檬汁~ 唔嗌野飲都可以自己倒杯水~蟹膏番茄湯河真係好驚喜，以前唔鍾意食越南野因為佢冇泰菜咁重口味🤣 但呢個河都好好味！！真係食到淡淡嘅蟹味，同酸甜嘅蕃茄味~ 餸嘅份量好多，啲豆卜吸哂湯嘅精華🥹🥹烤豬肉撈檬 另加扎肉呢道簡直係我食過最難忘嘅扎肉，肉質勁勁勁彈牙，大舊又夠味，好好食！！不過烤豬肉啲肉就鞋咗啲，可能偏瘦~ 撈檬本身都幫我地落咗汁，都好夠味，夏天食非常清新！烤豬肉軟包軟包絕對不比法包遜色，軟包外脆內軟，好煙韌嘅包~芒果冰 牛油果沙冰🥑甜度啱啱好，牛油果好足料，有牛油果香得嚟又唔會覺得好甜，好天然嘅感覺芒果糕、榴連糕、紫米糕、芋頭糕朋友話嗌咁多都比佢嚇死，不過最後真係冇後悔，勁值得，每樣都好出色。榴連糕勁真材實料，食到榴連肉🥹 紫米糕都煙韌🥹 好掛住，同埋最欣賞每件都唔會過甜，食多幾件都得，可惜太夜嚟食唔到斑斕糕🥲我覺得另一加分位係落單時已經可以揀走青、走某啲配料，唔驚食到唔食嘅野🤣扣分位係座位比較窄，坐得冇咁舒服，但冇加一，又咁平就預咗咁多野食仲
呢道係半自助式嘅，QR code落單，自己拎餐具、汁，有是拉差辣椒醬同檸檬汁~ 唔嗌野飲都可以自己倒杯水~
蟹膏番茄湯河
真係好驚喜，以前唔鍾意食越南野因為佢冇泰菜咁重口味🤣 但呢個河都好好味！！真係食到淡淡嘅蟹味，同酸甜嘅蕃茄味~ 餸嘅份量好多，啲豆卜吸哂湯嘅精華🥹🥹
31 views
0 likes
0 comments
18 views
0 likes
0 comments
烤豬肉撈檬 另加扎肉
呢道簡直係我食過最難忘嘅扎肉，肉質勁勁勁彈牙，大舊又夠味，好好食！！不過烤豬肉啲肉就鞋咗啲，可能偏瘦~ 撈檬本身都幫我地落咗汁，都好夠味，夏天食非常清新！
14 views
0 likes
0 comments
烤豬肉軟包
軟包絕對不比法包遜色，軟包外脆內軟，好煙韌嘅包~
15 views
0 likes
0 comments
16 views
0 likes
0 comments
芒果冰 牛油果沙冰🥑
甜度啱啱好，牛油果好足料，有牛油果香得嚟又唔會覺得好甜，好天然嘅感覺
45 views
0 likes
0 comments
芒果糕、榴連糕、紫米糕、芋頭糕
朋友話嗌咁多都比佢嚇死，不過最後真係冇後悔，勁值得，每樣都好出色。榴連糕勁真材實料，食到榴連肉🥹 紫米糕都煙韌🥹 好掛住，同埋最欣賞每件都唔會過甜，食多幾件都得，可惜太夜嚟食唔到斑斕糕🥲
65 views
0 likes
0 comments
我覺得另一加分位係落單時已經可以揀走青、走某啲配料，唔驚食到唔食嘅野🤣
扣分位係座位比較窄，坐得冇咁舒服，但冇加一，又咁平就預咗
咁多野食仲有野飲、甜品，成餐飯300蚊唔洗，好抵🥹🥹 又好食！
Post
