鮨鶴日本料理 (Closed)

好奇同師傅亦都係開呢間店既老闆傾左一輪計，佢話比我地知「鮨」係日本的意思代表個度有最高級的壽司食；而「鶴」就有祝福、平安、吉祥的寓意。所以餐廳都用左紙鶴/鶴的擺設嚟做主題，係呢個位已經見到師傅心思細膩的一面。點解我會將個重點放係壽司師傅既身上，係因為呢度主打極致的OMAKASE（廚師發板），也是它的價值所在。你個晚食既每一道菜都係師博咁多年嚟既手藝結晶。由頭到尾，由淡至濃，十幾道菜不同變化，但之間又會有連系，每個製法都有佢背後既原因，師傅逐樣同你介紹，我見到既係佢身上認真嚴肅對待食材，尊重同珍惜大自然既一種態度。

師傅造菜時架勢十足，手握岩鹽，認真專注，態度用心，技藝純熟，我一直望住佢完全移不開視線，真心好吸引。

頭淡湯係清湯煮蜆，隻隻蜆d肉都大大粒，又夠鮮味，外面凍冰冰飲完個人即刻暖晒，個湯清清地，飲完成個人好舒服。

柚子蘿蔔雖然係配菜但都好值得講下，佢係呢度自家製，出面冇得食，用嚟送酒一流，就咁食都停唔到口，仲可以添。

刺身篇

簡八，酸汁豉油係底，上面有啲蘿蔔蓉同柚子皮加埋一齊，味道層次豐富。

北海道珍蠔，個size比出面食外國入口蠔明顯大隻好多，重海水味，超鮮甜，特別係食完之後口入面個陣後續既香味，久久不能散去。

堅魚，加酸汁豉油，個面用火槍燒一燒過，香味更加突出，口感順滑。

金目鯛，屬於深海魚一種，師博特登比左腩位我地，都係燒過之後加豉油wasabi食，油脂感唔算重，食完好想encore啊🤤

7 views

白子，係魚的精巢，燒完包紫菜食，要把握個黃金時間放晒入口，一耐左塊紫菜就會林，唔係個個師傅會咁做，但我個人都幾鍾意呢個食法，因為佢個口感好似泡泡咁綿滑，連埋紫菜既脆會更易入口，食完皮膚會靚d。

2 views

蒸鮑魚（左）汁煮八爪魚（右），第一次試到原來八爪魚可以係好易咬，唔係橡筋質地，汁煮得好入味得嚟唔會太咸，十分讚。

壽司經師傅調好味，最正宗的食法係用手直接往口裏送，更貼心地附上濕紙巾清潔手指。今次食Omakase既經驗比起去一次日文旅行更加體會到日文飲食既文化。

平政魚壽司，米飯粒又大又圓，漲卜卜，飯的比例拿捏得剛剛好，平政魚甘甜有彈性。

燒大拖羅壽司，呢個重頭戲將整晚的滿足感推至巔峰，大拖羅油脂感重，提供飽腹感。

0 views

北海道直送馬糞海膽，絕對能擔起入口即溶呢個四個字，非常creamy，味道濃郁豐厚，建議先單吃海膽，感受原汁原味，再配埋調左味既飯，一齊擺入口，個一刻真係唔想多講，只想好好感受佢地係我口中慢慢溶化。

鯛魚湯，落足七種鯛魚煲，湯呈濃稠奶白色，魚肉保持到嫩滑，可想而知有幾多膠原蛋白在內，日本人皮膚咁好又長壽，大概係平時都靠湯水補身，更何況魚湯是湯中之最，營養滿分。