Video
Read full review
2019-05-31
415 views
#京香閣 (上環)上環德輔道中199號無限極廣場2樓-----上個星期見到港生活介紹 屋企附近呢間中菜廳有$228任食京菜自助餐🤤每位仲送原隻鮑魚花菇一客同花膠雞湯一碗 即刻帶中意食中菜ge Daddy去試下 （唔知係咪網上報道完 超級爆 有興趣要提早打電話預約 walk in有可能無位）菜式種類大概有30-40款 當中B仔最中意ge有以下幾款：---砂窩花膠雞湯（每位限一客）-雞湯顏色奶白 湯底鮮甜清香且雞味濃郁 花膠如果再厚d就好啦-原隻鮑魚花菇 （每位只限一客）-以蠔油炆製 無論係鮑魚定花菇都非常入味 鮑魚質感爽口彈牙 好想食多幾碟 嘻嘻-京式片皮鴨 - 老實說 B仔係衝住佢而黎ge 平時食上海菜片皮鴨一向貴 呢度咁ge價錢就有任食 真係好正 但黎到之後發現 雖然任食 但係自己能力有限 食得太多都係會膩😂😂結果食ge量都係比平時多少少 呢度ge片皮鴨油香四溢 皮脆肉嫩 但略嫌偏肥少少（唔怕肥ge人可能中意）最近肥左好多ge B仔唔敢食太多😂-東坡肉 - 炆得超腍 入口有少少即溶感 非常出色 五花肉揀選得肥瘦適中 調味恰到好處 連本身無特別愛東坡肉ge B仔都愛不惜手-水煮牛肉 -
上環德輔道中199號無限極廣場2樓
-----
上個星期見到港生活介紹 屋企附近呢間中菜廳有$228任食京菜自助餐🤤每位仲送原隻鮑魚花菇一客同花膠雞湯一碗 即刻帶中意食中菜ge Daddy去試下 （唔知係咪網上報道完 超級爆 有興趣要提早打電話預約 walk in有可能無位）菜式種類大概有30-40款 當中B仔最中意ge有以下幾款：
---
砂窩花膠雞湯（每位限一客）-雞湯顏色奶白 湯底鮮甜清香且雞味濃郁 花膠如果再厚d就好啦
-
原隻鮑魚花菇 （每位只限一客）-以蠔油炆製 無論係鮑魚定花菇都非常入味 鮑魚質感爽口彈牙 好想食多幾碟 嘻嘻
-
京式片皮鴨 - 老實說 B仔係衝住佢而黎ge 平時食上海菜片皮鴨一向貴 呢度咁ge價錢就有任食 真係好正 但黎到之後發現 雖然任食 但係自己能力有限 食得太多都係會膩😂😂結果食ge量都係比平時多少少 呢度ge片皮鴨油香四溢 皮脆肉嫩 但略嫌偏肥少少（唔怕肥ge人可能中意）最近肥左好多ge B仔唔敢食太多😂
-
東坡肉 - 炆得超腍 入口有少少即溶感 非常出色 五花肉揀選得肥瘦適中 調味恰到好處 連本身無特別愛東坡肉ge B仔都愛不惜手
-
水煮牛肉 - 牛肉未算嫩滑 但牛味頗濃 寬粉大條而入味 香香辣辣 煙煙韌韌 （如果遇著剛出爐仲正）
-
油炆筍 - 筍揀選得非常鮮嫩 味道鹹中帶甜 凍凍地 好開胃
-
樟茶鴨 - 樟茶鴨製作複雜 一般上海餐館都賣得唔平 所以B仔都幾驚訝呢度有樟茶鴨食 質素仲要唔錯 煙熏味濃 色澤微紅 做到外酥內嫩 係高質ge樟茶鴨（但係好難先夾到 一出就被瘋搶）
-
鎮江肴肉- 晶瑩通透 口感好似果凍ge鎮江肴肉一向係B仔食上海菜必點ge菜式 呢度亦整得唔錯 味道中高水平 點埋醋仲好食～
---
整體黎講 款式未算超多 但都有幾款回本菜式 水準不過不失（有d好出色 有d正正常常）食物未到令人極度驚艷 但亦唔差 京川滬菜一向都唔平 （尤其係片皮鴨 樟茶鴨 水煮牛個d）呢個價錢 性價比確係唔錯 ～
-----
👶🏻B仔整體評價：7.5/10個👍🏻
👶🏻B仔抵食程度：8.5/10個👍🏻
👶🏻B仔環境評分：7.5/10個👍🏻
👶🏻B仔味道評分：7.5/10個👍🏻
👶🏻B仔回頭機會：7.5/10個👍🏻
-----
#swallowhongkong
跟住我一齊吞食香港啦！🤤
#swallowsheungwan
Post
