大滾友火鍋

Open Now

Now Closed

如果要講元朗有邊間打邊爐好食，又坐得舒服嘅話，大滾友真係一個唔錯嘅選擇！裝修係古代宮廷風格嘅設計，食物真係有質素有誠意，趁住而家天氣咁凍，真係好適合約朋友去食！～我哋今次嘅湯底揀嘅應該算係佢哋嘅招牌 —— 玲瓏浮凸•花膠雞湯鍋（半隻），店員建議我哋先飲一碗花膠雞湯，之後再打邊爐～ 花膠雞湯味道濃郁，帶有少少黏口，滿滿骨膠原！雞件唔嚡口，半隻雞話咁快就食晒～火鍋配料方面，我哋就叫咗大滾友牛肉拼盤🐮、伊比利亞橡果豬🐷手打鵝肝墨汁墨魚丸（四粒）🦑、黑松露午餐肉🥓、大滾友雜菜拼盤🥬，全部火鍋配料都好新鮮，真正做到肉有肉味！😋😋打邊爐難免都會有啲熱氣，叫返個自家製足料竹蔗茅根就fit曬！另外，甜品就推薦大家試吓火焰焦糖豆腐花，軟硬口感兼備，又有豆香，值得一試！