Bacchus (Closed)

最近返工忙完個大project, 想放鬆一下，獎勵下自己，見附近呢間餐廳咁多好評一於試試佢。佢係樓上餐廳，一出lift見到門面有隻羊幾得意😄一坐落來，店員就幫我開左枱燈，好幻彩既感覺🤣 見佢餐牌好簡約，選擇唔算好多，但係見到d名就有種好高級既感覺😅前菜我點左靜崗蕃茄配火炙胡椒吞拿魚個蕃茄又真係幾甜，經過調味，同胡椒同d葉仔一齊食，真係令成件事帶到去另一層次，我冇諗話蕃茄同黑椒係咁夾😱 下面既吞拿魚亦好新鮮，配埋麻醬，第一次咁樣食，但又覺得好夾喎。個人好鍾意 d葉仔, 真係好清新！今日個湯係蘆筍粟米湯同樣有d葉仔係面，個湯好濃郁好甜。北海道帶子配蒜香欖油意粉d帶子好新鮮，煮得好好，兩樣煎得好香，但又保留到帶子既鮮嫩柔軟，仲有d魚子醬同金箔係面扮蝴蝶，感受到廚師好有誠意🤣 個意粉味道真係好好，雖然配欖油好似比較油膩，但始終橄欖油都係健康既油，就唔再執著了，食得開心最緊要😆呢度d梳化確實坐得好舒服，成個裝修都好有情調，好適合同朋友／另一半來好好歎下chill 下。