湄南.河泰式船麵 (Closed)

啱啱去完泰國返嚟就想食船麵，咁啱見到荃灣有一間，所以就同朋友去試食。乾嘅船河好特別，可以自己揀粉麵類別、配料、湯底。三碗唔夠食仲可以用優惠價加碼於是我哋前後total嗌咗五碗，差唔多食勻晒佢咁多個配料粉面同埋湯底，每款都好好食，尤其係船湯。麵底可以揀金邊粉、河粉、或者米粉。配料可以揀泰式魚蛋、鴨血、泰式豬肉丸、泰式扎肉、泰式牛丸、肥牛片、同埋秘製泰式豬頸肉。湯底有四款，分別係船湯、麻辣湯、清湯同埋冬陰功湯。特別講講船湯同冬陰功湯。船湯完全食到正宗嘅泰式船湯味道，船湯嘅味調得啱啱好，唔會太鹹，係有泰國味。豬頸肉好食到我哋要散嗌一個。冬陰功湯好酸超正宗，而且又辣，係泰國嘅味道！另外，蝦餅都好香，驚食唔晒仲可以用優惠價加半份，上枱熱辣辣好正。最後，點少得芒果糯米飯！椰汁係我㸓耳鐘意嘅咸椰味，仲有斑蘭飯，上枱仲出晒煙，芒果又多又甜，性價比超高。泰奶好甜，好香嘅煉奶味～